விடியும்

 வரும் வாட்டி வதைக்க

வரும் உன்னை ஆட்டிப் படைக்க

வரும் தொடர்ந்து தொல்லை கொடுக்க

வரும் எல்லையில்லா பேரிடர் பல

ஏற்றுக்கொள் எது வந்தாலும்

எதிர்த்து நில் மனம் தளராது

எதையும் தாங்கும் இதயம் உனதானால்

எதுவும் தயங்கும் உனைத்தாக்க

அச்சம் தவிர்த்தால் அது வெற்றி தரும்

ஆக்கம் மட்டுமே ஊக்கம் தரும்

அறிவு மட்டுமே உண்மை தரும்

அன்பு மட்டுமே அனைத்தும் தரும்

இழு முழு பளு கொண்டு இழு

உழு உன்னில் உள்ள களைகள் கலைய உழு

விழு வீழாமல் இருக்க  விழு

எழு விழுந்தாலும் வீறு கொண்டு எழு

ஏக்கம் தொலைந்தால் ஊக்கம்

ஊக்கம் தொடர்ந்தால் ஆக்கம்

துக்கம் தொலைந்தால் துவக்கம்

துன்பம் தொலைந்தால் இன்பம்

முடம் அல்ல எவரும்

முடிவல்ல எதுவும்

முடியும் நம்மால் எதுவும்

முயன்று பார் முடியும் எதுவும் விடியும்