அகிலம் போற்றும் அன்னை தேசம்
ஆற்றல் நிறைந்த இளைஞர் தேசம்
பாரத
தேசம் !
இயற்கை வாழும் இனிய தேசம்
ஈகை செறிந்த புனித தேசம்
உழவர் உழைப்பில் உயர் தேசம்
ஊக்கம் மிகுந்த மறவர் தேசம்
பாரத
தேசம் !
வடதிசை இமயத்தின்
குளிர் பனியும்
தென்திசை
குமரியின் கடல் அலையும்
கீழ்திசை
வங்கத்தின் கதிரொளியும்
மேற்திசை அரபித்
தென்றல் தாலாட்டும் தேசம்
பாரத
தேசம் !
மானுட புனிதர் மகாத்மாவை ஈன்ற தேசம்
மக்களாட்சியின் மணம் பரப்பி வளரும் தேசம்
மாண்புடை தியாக சீலர் பலர் சிந்திய
செங்குருதிப் புனலில் உயிர்த்த தேசம்
பாரத
தேசம் !
எழுச்சி எங்கும் பொங்கும் எழில் தேசம்
ஏற்றம் பல கண்ட எங்கள் தேசம்
வேற்றுமை பல உண்டிங்கு ஆயினும்
ஒற்றுமையாய் ஒன்றுபட்டு வாழும் தேசம்
No comments:
Post a Comment