போகிற போக்கில்

 வழி

விரிந்த வெளி

திறந்த விழி
பிறந்த ஒளி

புரியும் வழி.

செயல்
செய்யும் வழி

செயல் அளி
செவ்ஒளி காட்டும் வழி
சேரிடம் தெளி.

இயற்கை
இயற்கை மொழி

இசையின் ஒலி
இன்பக் களி

இன்னலை அழி.

இல்லா நிலை
இல்லா நிலை தான்

எல்லா நிலையும்
என்னிலையும்

எண்ணிய நிலையாகுமா?

காண்
காண் காட்சிப் பிழையின்றி
காண் கருத்துப் பிழையின்றி
காண் ஆட்சிப் பிழையின்றி
காண்பன காண் அறிவுப்பிழையின்றி.

கவலை

கட கசப்பானவை
கட கடுமையானவை
கட கடப்பவையாவும்
கடகடவென கடக்கும் கவலைகள்யாவும்.

தகர்ப்பு
தகர் தடை யாவும்
தகர் தயக்கம் யாவும்
தகர் தவறுகள் யாவும்
தகர் தரணியில் தகர்பன யாவும்.

களம்
களம் காண துணி
களம் கற்றுத்தரும் கைகளே முதல்
களம் கைப்பற்று
களம் காப்பாற்றும்.

வாய்மை
வாய்ச் சொல்லூம்
வாய்புக்கான சொல்லூம்
வாய்மையல்ல - அறம்
வாய்க்க சொல்லுவதே வாய்மை.