தாய் வாழ்த்து

அனைத்திற்கும் மூத்தவளே
ஆண்டு பல கோடி பார்த்தவளே
இளமை இன்னும் குறையாதிருப்பவளே
ஈறு காண இயலா தோற்றம் உடையவளே
உலகம் உள்ளவரை நிலைப்பவளே
ஊர் முழுதும் பேசும் உயர் சிறப்புடையவளே
எண்ணிலா வளமை புதுமை கொண்டவளே
ஏற்றம் பல ஏற்று வளர்பவளே
ஐந்திணை மாந்தர்க்கும் இலக்கணம் அமைத்தவளே
ஒழிந்தழிந்து செத்த மொழிகளிடை
ஓங்கி தழைத்துயர்ந்தவளே
ஓளவை மூதாட்டி மடி தவழ்ந்தவளே
இதெலாம் உன் உயர் சிறப்பென
கண்டுனை போற்றுகிறேன்
காலம் பல கடந்து என் தமிழ்
சந்ததி நாளும் வாழ்ந்து வளர்ந்து
சாதனை படைத்திட அருள்வாய் தாயே
சு.பா