இனிது இனிது
வறுமை வாட்டினும் கற்றல் இனிது
பெருமை மிகு அவையில் வாக்குத் திறன் இனிது
பெருத்த செல்வம் பெற்று இருப்பினும்
வருத்தி உழைத்து வாழ்வது இனிது
பொருளுடையவன் ஈகை இனிது
அருளுடைய சான்றோன் துணை இனிது
அருந்துணையின் மனம் அறிதல் மிக இனிது
அருமை நட்பு அதனினும் இனிது
குறையில்லா செல்வம் இனிது
குறையாத குணமுடை கல்வி இனிது
குற்றமில்லா ஒழுக்கம் இனிது
முற்றும் துறத்தல் நன்கு இனிது
மாண்புடை மானம் இனிது
மானமிழந்து வாழாமை இனிது
மனம் அஞ்சா வாழ்வினிது
மாற்றுக்குறையா மறம் இனிது
கற்றர் முன் கவியுரைத்தல் இனிது
கல்லார்க்கும் கல்வி ஈதல் இனிது
கயவர் கை சாராமை இனிது
கடுஞ்சொல் கலவாமை இனிது
நன்றி மறவாமை நட்பிற்கு இனிது
நல்வழி பிறழாமை வாழ்விற்கு இனிது
நடுநிலை தவறாமை நீதிக்கு இனிது
நாடியவர் துன்பத்தை நீக்குவது இனிது
ஆய்ந்து அறிதல் அறிவுக்கு இனிது
ஆராய்தல் அதனினும் இனிது
அழுக்காறு இல்லாமை இனிது
அடுத்தவர் பொருள்க்கு ஆசைபடாமை இனிது
சினம் கொள்ளாமை இனிது
சிற்றினம் சேராமை இனிது
சிறுமதியோர் உறவு கலவாமை இனிது
சீற்றம் இல்லா சொல் இனிது
வறிநிலையாயினும் வாய் திறாவமை இனிது
வம்பில்லா வாழ்கை இனிது
விதை பொருளை உண்ணாமை இனிது
விளை பொருளை மறைக்காமை இனிது
இன்சொல் இனிக்க சொல்லுதல் இனிது
இன்சுவையாவிலும் நகைசுவை இனிது
இனிய சுற்றம் சூழ வாழுதல் இனிது
இனிது இனிது எல்லாம் எங்கும் எவர்க்கும் இனிது
இயலிசை நாட்டியம் இனிது
இயற்கை வழி நடத்தல் இனிது
இன்பம் பொங்க வாழ்தல் இனிது
இனிய மனம் இன்பத்தில் எல்லாம் இனிது
கருத்துதவி ; இனியவை நாற்பது-
