தமிழே இனி

சங்கத் தமிழாய் நீ இருந்து

சாகாத இலக்கியங்கள் பல பெற்றெடுத்தாய்

சாய்ந்தழிந்து வீழ்ந்த மொழிகளிடை

சாகா வரம் பெற்றே நீ வளர்ந்தாய்

எத்தனையோ எதிர்ப்புகளையும்

எண்ணிலடங்கா இன்னல்களையும் எற்று வீழாது

எதிர்த்து நின்று ஏறு நடை போட்டு

எட்டி உதைத்து வென்றாய் காலமெனும் காலன்தனை

                                                         

இயக்கத் தமிழாய் நீ இருந்து

இயக்கங்கள் பலவற்றை வாழவைத்தாய் நீ

இருந்தும் இயலவில்லை அவைகளினால் உன்னை

இதயத் தமிழாய் இத்தமிழ் நிலத்தில் வாழவைக்க 

இன்னிலையில் இப்புவியினை இணைக்க

இணையமெனும் இணையில்ல வலைபினைல் வந்ததுவே

இருண்டுகிடந்த தமிழ்தாயின் விழியினுக்கு

இ(மி)ன்ஒளி ஊட்டிட இணைந்தோமே உலகத் தமிழரெல்லாம்

எங்கிருந்தும் எழுதி வலை எற்றிவைத்திடலாம்

எம் கருத்தை, கவியை, கட்டுரையை, காட்சிகளை இதனில்

எவரும் கண்டிடுவார்,  கருத்திடுவார், மறுத்திடுவார்

எதிர்த்திடுவார் .ஏற்றிடுவார் , போற்றிடுவார்

எற்றம் பல ஏற்று என்றும் மங்காத மாண்புடை எம் தமிழ்தாயே

எங்கெங்கும் கங்கு கரை காணமல் நீ பொங்கி வளர்ந்து வாழ

எந்நாளும் நல்வளத்தை நாம் கொணர்ந்து குவிப்போம் உன் மடியில்

எம் இதயத்தமிழே வளரிளமை வனப்புடனே இனியும் நீ இருப்பாய் 

இணையத்தில் தரவுகள் முலம் உறவுகளை இணைக்கும்  தாயாய்