Saturday, January 12, 2019

உண்மை புத்தன்


 உண்மை புத்தன்

சுத்தோதன் மாயா பெற்றெடுத்த சித்தார்த்தன்
சுபயோக வாழ்வை விட்டொழித்த எதார்த்தன்
சுழல் பிறவிக்கடல் கடந்த சாக்கியன் 
சுமையான ஆசையை சுட்டெரித்த  கதிரவன்

இதழிடை இணைபிரியா புன்னகை
இமை மூடி திறந்தும் திறவா இறைநிலை
இன்பத்தின்  இனிமை கண்ட உயர்நிலை
இன்னலுக்கு விடையளித்த பொதுநிலை

பற்றிப்படர் கொடியில் படுத்துறங்கும்
பற்றற்றான்- இவனை பற்றிவிட்டால்
பற்றிய பேராசை பெரும் பாவம் எல்லாம்
பற்றியெரியும் பெரும் தீயில் வீழ்ந்த சருகாய் பட்டுவிடும்

எண்ணம்,கருத்து, பேச்சு, செயல்
எளிய வாழ்க்கை, முயற்சி, சித்தம், தவம் என நேரான
எண் வகை பாதை கண்டான் இதில்
எப்பாதை வழி நீ சென்றாலும் நேர்மை வேண்டும் என்றான் 

முழுமதி நன்னாளில் மூவுலகும் இன்பமுற
முகிழ்த்த ஞான முதல்வன்- இருள்
மூழ்கிய இன்னல் சூழ் உலகுக்கு
முழுமுதல் அருள் போதித்த அன்பின் தலைவன்

அன்பு விதை துவிய வித்தகன்
அமைதிப் பயிர் வளர்த்த போதி சத்துவன்
ஆசை துறந்த சிந்தனைச் சித்தன்
ஆன்மத்தை வென்ற உண்மை புத்தன்
29/12/2018


http://www.vallamai.com/?p=89887
நன்றி -படக்கவிதைப் போட்டி 193-இன் முடிவுகள் Tuesday, January 1, 2019,


No comments: