நொய்யல் நதிக் கரை

சான்றிதழ்களை பெறுவதற்கான விண்ணப்ப படிவங்கள்

2011-09-20T13:41:00.000+05:30

சாதி சான்றிதழ்
வருமான சான்றிதழ்
பிறப்பிடச் சான்றிதழ்
இருப்பிடச் சான்றிதழ்
வேளாண் சேவை இணைப்பு படிவம்
விற்பகர் சான்றிதழ் - உரங்கள் (படிவம் அ)
புதுப்பித்தல் சான்றிதழ் - உரங்கள் (படிவம்)
பூச்சிக்கொல்லி பதிவு செய்வதற்கான சான்றிதழ்
பூச்சிக் கொல்லி தயாரிப்புக்கான உரிமத்தை புதிப்பிக்கும் சான்றிதழ்
பூச்சிக்கொல்லிகளை விற்பது/இருப்பு/காண்பித்தல்/ வழங்குதல் உரிமம் பெறுவதற்கான விண்ணப்படிவம்
பூச்சிக்கொல்லிகளை விற்பது/இருப்பு/காண்பித்தல்/ வழங்குதல் புதுப்பித்தல்கான விண்ணப்படிவம்
தமிழ்நாட்டில் குடும்ப அட்டை பெறுவதற்கான விண்ணப்ப படிவம்
சமூக நலம்

சத்யஅம்மையர் நினைவு அரசு குழந்தைகள் காப்பகம் - விண்ணப்படிவம்
இலவச தையல் இயந்திரம் பெறுவதற்கான விண்ணப்படிவம்
கைம்பெண் மகளிரின் பள்ளி செல்லும் குழந்தைகளுக்கு இலவச நோட், புத்தகம் பெறுவதற்கான விண்ணப்படிவம்
டாக்டர்.தர்மாம்பாள் அம்மையார், விதவை மறுமண நிதி உதவி பெறுவதற்கான விண்ணப்படிவம்
அன்னை தெரேசா, அனாதை பெண் குழந்தைகளின் திருமண நிதி உதவி பெறுவதற்கான விண்ணப்படிவம்
E.V.R.மணி அம்மையர் நினைவு ஏழை விதவை தாய்மார்களின் பெண் குழந்தைகளின் திருமண நிதி உதவி பெறுவதற்கான விண்ணப்படிவம்
அரசு சேவை இல்லம் - மேல் நிலை படிப்புக்கான (இருப்பிட வகுப்பு) விண்ணப்படிவம்
அரசு சேவை இல்லம் - தையல் /அலுவலக சம்மந்தமான படிப்புக்கான (இருப்பிட வகுப்பு) விண்ணப்படிவம்
அரசு சேவை இல்லம் - பொதுப் படிப்புக்கான விண்ணப்படிவம்
அரசு சேவை இல்லம் - புதிய பத்தாம் வகுப்பு பாடத்திட்டத்திக்கான விண்ணப்படிவம்
சேவை இல்லங்களில், சிறார்களை சேர்ப்பதற்கான விண்ணப்படிவம்
பணிப்புரியும் மகளிர்கான தங்கும் விடுதி - பதிவு விண்ணப்பம்
தமிழ்நாடு அரசு கலப்புத் திருமண நிதி உதவி திட்டத்தின் கீழ் நிதி உதவி பெறுவதற்கான விண்ணப்ப படிவம்
பெண்களுக்காக குறுகிய காலம் விடுதியில் தங்குவதற்கான திட்டம் - விண்ணப்ப படிவம்
பணிபுரியும் பெண்களுக்கான தின பராமரிப்பு மையத்துடன் இணைந்த தங்கும் விடுதியை விரிவுபடுத்த/கட்டுவதற்கான நிதி உதவியை பெறுவதற்கான மத்திய அரசு திட்டம்
முதியோர்கான ஒருங்கிணைந்த திட்டத்தில் பணிபுரியும் தன்னார்வத் தொண்டு நிறுவனங்களுக்கு நிதி உதவி பெறுவதற்கான மற்றும் கண்காணிப்பு, செய்வதற்கான விண்ணப்ப படிவம்
குழந்தை காப்பகங்களை தொடர்ந்து நடத்துவதற்கான விண்ணப்ப படிவம்
ஆதரவற்றக் குழந்தைக்கான திட்டத்தின் கீழ் நிதி உதவி பெறுவதற்கான விண்ணப்ப படிவம்

தமிழ் நாடு ஆதி திராவிட வீடு கட்டும் மற்றும் மேம்பாட்டு நிறுவன கடன் பெறுவதற்கான விண்ணப்ப படிவம்
பிறப்பு சான்றிதழ்
இறப்பு சான்றிதழ்
குழந்தை பெயர் பதிவு செய்தல்

மேற் காணும் சான்றிதழ்களின் விண்ணப்ப படிவங்கள் பெறுவதற்கான சுட்டி
அரசு திட்டங்கள் & சேவைகள்

டி.வி.டி பிளேயர் விலையில் கணிணி

2009-07-08T18:42:00.000+05:30

டி.வி.டி பிளேயர் விலையில் கணிணி டிவியில் இணைத்துக் கொள்ளலாம் என்று கரூரில் ஒரு நிறுவனம் விளம்பரம் செய்துள்ளனர். விலை ரூ; 5500.- மட்டும். தைவான் நிறுவன தயாரிப்பு ,

SYSTEM CONFIGRATION

MACROCOM ENTERTAINMENT MC

80 GB HARDDISK

256 MB RAM

DVD ROM

CORDLESS KEYBOARD / REMOTE / WEBCAM/ SMART CARD & READER

FRONT & BACK USP

FRONT & BACK SOUND

MODEM / LAN

உத்திரவாதம் இல்லை

கணிணி திரை இல்லை

UPS - இல்லை

ரூ; 5500 க்கு வாங்கினால் தகுமா?

கணிணி துறை நண்பர்கள் இது பற்றிய தங்கள் ஆலோசணை மற்றும் கருத்துக்களை தந்து உதவுங்கள்

நான்கு எருதுகளும் ஒரு சிங்கமும்

2009-07-06T12:45:00.000+05:30

அன்னையின்றி எவரும் இந்த

மண்ணைக் கண்டதுண்டோ தமிழா!- அந்த

அன்னை காட்டிய மண்ணையிழந்த

உன்னை மண்ணில் மதிப்பாருண்டோ தமிழா!

முன்னைய பழங்கதைகள் பல பேசியே

முழுவதையும் தொலைத்துவிட்டோம் தமிழா! –நம்மில்

முரண்பட்டுக் கிடந்ததன் விளைவுதானே இன்றைய

முட்கம்பி வேலி கொட்டடி சிறையடா தமிழா!

கொத்துக் கொத்தாய் உன் குருதி உறவுகள்

செத்து மடிந்தபோது பக்கத்தில் தானே இருந்தாய் தமிழா!

அத்தனை கொடுமைகள் கண்டும் காணதவனாய் உன்

நித்திய பணிகளுக்குள் அமிழ்ந்துவிட்டாயே தமிழா!

வாழ்விடமிழந்து வாழ்வினையுமிழந்து

வழியின்றி வலியோடு வந்தவர்தமை

வாரியணைத்தோம் நாம் ஆயினும் அவர்

வாழ்வில் இன்புற வாழவைத்தோமா? தமிழா!

தனித்தனியே பலர் நம்மில் பல

தியாகங்கள் புரிந்தோம் தமிழா!

ஆயினும் அவையாவும் விலலுக்கு

இறைத்த நீராய் ஆனது தமிழா!

நாளை ஒருவேளை உனக்கிந்த

நிலை வரலாம், வரும் தமிழா!

அன்று எவர் வருவார் வந்துனக்கு உதவுவார்

என்று எண்ணியதுண்டோ தமிழா!

ஒன்னாம் வகுப்பு பிள்ளைகட்கு ஒன்று பட்டால்

உண்டு வாழ்வென்றுணர்த்த நான்கு எருதுகளும்

ஒரு சிங்கமும் என்ற கதை சொன்னோமே தமிழா!

அது அவர்கட்கு மட்டும் தான் நமக்கில்லையோ தமிழா!

இந்திய, ஈழ, மலையக, மலேய, கனடிய

சிங்கை தமிழர் என்று இன்னும் பல பல பிரிவுகள்

நம்மில் இன் நிலை ஒழித்து என்று எங்கு சங்கம்மாவோம்

சங்கத் தமிழராய் சிந்தித்ததுண்டோ தமிழா!

அறப்போராய் பற்றி பரவட்டும் நமது அஞ்சலி

2009-01-31T18:33:00.020+05:30

தூத்துக்குடி பொன் முத்தே

தூய தமிழ் நல் வித்தே

துடிதுடித்து நீ செத்து மடிந்தே

தூண்டிவிட்டாய்யடா

தூங்கிய எம் தமிழ் உணர்வை

மாண்டவன் நீயாகி

மாநிலத்தார் மனங்களில் எல்லாம்

மறையாத கதிரவனாய்

மறதமிழ் வீரனாய் மீண்டும் நீ

மறு பிறப்பெடுத்துவிட்டாய்

ஆண்டவனையும், ஆள்பவனையும்

ஆளுக்கு ஆள் வேண்டி நின்றோம்

ஆங்கே கொத்துக் கொத்தாய் சாவும்

ஆதி தமிழனைக் காப்பாற்ற

ஆருமில்லை என்று நீ ஆதங்கம் கொண்டாயோ

நீ பற்றவைத்த தீ

பற்றி பரவிடட்டும்

அறப்போராய்

அன்னை தமிகமெங்கும்

அதுவே உமக்கான எமது அஞ்சலி

மது+மயக்கம்=மரணம்

2008-11-19T17:49:00.002+05:30

மதுவெனும் போதையில் விழுந்துவிட்டான்
மதிப்புறு தாயையே விழுங்கிவிட்டான்
மதிமயக்கும் மதுவின் மாயையினால்
மனம் பழக்கி வாழ்வினை அழித்துக் கொண்டான்

தினம் தினம் குடித்து வந்தான்
பணம் பணம் என்றே பறித்துச் சென்றான்
மனம் போன போக்கிலே நடந்து கொண்டான்
மானம் போனது அறியாமல் மயங்கி நின்றான்

குடும்பமது வறுமையிலே
குழந்தை குட்டிகள் பட்டினியால்
குடிப்பதற்கு கூழுமில்லை
உடுப்பதற்கு துணியுமில்லை

கஞ்சிக்கு வழியில்லை
கால் காசு வரவில்லை
கட்டியவள் கெஞ்சினாலும் விடுவதில்லை
கொடுங்குடியால் கெட்டழிந்தான்

நஞ்செனும் மதுவினை நாடியதால்
நல்வாழ்விழந்தான்
நாடி நரம்புகள் தளர்ந்து
நடைதடுமாறி நிலைகுலைந்தான்

மொந்தையில் கள்ளுண்டு கட்டிய
கந்தையையும் கிழித்துக் கொண்டு
மந்தையிலே மல்லாந்து நீ கிடக்க
சந்தையிலே புதுசு புதுசா பலசரக்கு

கொண்டு வந்து இறக்குதடா நமதரசு
கண்டுங் காணம குடிச்சவன் கூட
கண்டபடி குடிச்சுக் குடிச்சு – தன்
கணக்கை முடிச்சுக்குரான்

பள்ளிக்கூட வாசலுக்கெதிரே
கள்ளுக்கடைகள் நாள் கணக்கா திறந்திருக்கு
பிள்ளைகள் நெஞ்சில் கல்விக்குப் பதிலா
கள்ளின் போதை நிறைஞ்சிருக்கு

சாராயம் விற்கும் காசுலதான் நம்ம
அரசாங்கம் நடக்குது
வரவு செலவு கணக்கை எல்லாம் குடிகாரன்
தரும் வருவாயே தீர்க்குது

குடிமகன்களே இனியாவது குடித்து குடித்து
குடல் வெந்து உடல் நொந்து சாகாமல்
குடிகெடுக்க்கும் குடியைவிட்டு ஒழி – உன்
குடும்பம் நலம்பெற விழிதிற விரியும் நல்வழி

முயன்றால் முடியுமடா உன்னால்
முரண்டு பிடித்தால் முடிவு பெரும் தொல்லையடா
இருண்டு போகும் வாழ்கையடா - இனி
இடுகாடு மட்டும் தான் உன் எல்லையடா

பகை வெல்ல படை சேர்வோம்

2008-10-18T18:53:00.000+05:30

அன்னை பூமி அருகில் இருக்க

ஆங்கோர் அவலம் நடக்குது காணீர்!

இன்னல் சூழ்ந்த இலங்கைத் தீவில்

ஈழம் பற்றி எரிகிறது பாரீர்!

உதிரச் சகதியில் நம் உறவுகள் செத்து மிதக்கையில்

ஊமையாய் நாம் இருந்திடல் ஆகுமோ?

எதிரியின் படுகொலைக்கு எண்ணிக்கை ஏதுமில்லை

ஏனென்று எதித்து கேட்பவர் எவருமில்லை

ஐய்யகோ! நாம் அருகிருந்தும் பயனில்லையே

ஒற்றுமை கொண்டு எழுந்திடுவோம் – நாமெலாம்

ஓர் இனம் என்றே உணர்ந்திடுவோம்

ஔதடம் கொண்டு ஓடிடுவோம்

அஃதை தடுப்பார் எவர் பார்த்திடுவோம்

கடலினைத் தாண்டி நம் கரங்கள் நீளட்டும்

காப்பது ஒன்றே நம் கடமையாகட்டும்

கிணற்றுத் தவளைகள் சில இங்கே கூச்சலிடும்

கீழ்மை மனத்தார் பலர் கேளி செய்வார் தயங்காதீர்.

குருதி சிந்திச் சாவும் தமிழர் உயிர் குடிக்கும்

கூற்றுவன் தான் சிங்களன் வெறியன்

கெடுமதியுடைய இன வெறியன் அவனிடம்

கேட்டால் கிடைக்குமா விடுதலை ?

கைகட்டி யாசித்தால் வருமா விடுதலை ?

கொடுமைகள் கோடி செய்தே கொன்றழித்தான் தமிழரை

கோழைகளாய் நாம் இருந்தது போதும்

கௌதமபுத்தன் பெயரில் இனக்கொலை செய்யும்

அஃறிணை மாக்களை அடக்கிட புறப்படுவோம்

சக்தி கொண்டு எழுவோம்

சாதல் ஒரு முறைதான்

சிலைகளாக நினைக்கும் தலைகளாக வேண்டாம்- நாம்

சீரிய செயலில் இறங்கும் தமிழர்களாவோம்

சுழல் வரும் கடலினிலே

சூழ்ந்தருக்கும் சூல் கொண்ட போர் மேகம்

செல்லும் வழி எங்கும் எதிரியின்

சேணைகள் பலவுடனே பெரும்

சைனியங்கள் சேர்ந்து வரும்

சொல்லொண்ண துயர் வரும்

சோர்வு கொள்ளல் ஆகாது

சௌகரியம் தேடாமல்

எஃகு போல் எதிர்த்து நின்று பகை வெல்வோம்

இன்பம் பயக்கும் இன்சொல்

2008-09-29T18:36:00.000+05:30

மக்கள் மறந்தனர் இன்சொல் மாற்றாய்
மொழிந்து மகிழ்ந்தனர் இன்னாச்சொல் - ஆதலில்
உறவிடைப் பிரிவும் உயர் நட்பிடை பிளவும்
உள்ளுரை அன்பிடை முறிவும் கண்டது கேளீர்!

உணர்விடை ஊறிய அலுக்காறும்
உள்ளத்திடை உழலும் அவாவும் , வெகுளியும்
உட்புகுந்த்தால் வாழ்வு நிறைகுடப் பாலில்
உறையிட்ட துளி நஞ்சாய் திரிந்திடல் காணீர்!

மனிதம் போற்றிய மாண்புகள் மறைந்தன
மாண்புகள் தாங்கிய மனிதரும் மறைந்தனர்- பிறர்
அஞ்சிட வன்சொல் தினம் ஓதிடும் கொடும்
வஞ்சம் வளர்த்த நெஞ்சின்ராய இன்றாயினர் பாரீர்!

செந்தனல் கக்கிடும் கொடும் நாவினில் இருந்து
வந்து விழும் சுடுசொற்கள் கொல்லன் உலைகளத் தீயில்
வெந்து பழுத்த இரும்பு கம்பி கொண்டு
நெஞ்சில் இழுத்தலினும் கொடிதாம் உணர்வீர்!

கற்கண்டு சொற்கள் இங்கே காத்துக்கிடக்குது அதை
கற்றிடுவோம் அதன் கருப்பொருளுணர
கற்றவைதனையே கறையிலா வாக்காய்
கலையுற செப்பி கேட்பார் செவியினிக்க செய்வீர்!

மொழியும் மொழிதனில் வழுவிருப்பின் வரும் பழி
தெளிவிலா மொழியும் தேவையிலா ஒலியும் பிணியாம்
விழி வழிகொண்டழைத் துறவை நல்மொழி நவின்றால்
ஒளி முகம் பூத்து களிகொள்ளும் விருந்து அறிவீர்!

பண்புடை மாந்தர்கழகு பணிவுடன் மொழிதலாம்
மண்பதை காக்கும் மன்னவராயினும் - பண்ணிசை போலே
நன்மொழி மொழிதல் அவர்க்கழகாம் - வெண்பனி போலே
மென்மொழி மொழிதல் யாவர்க்கும் அழகு மொழிவிர்!

குப்பைச் சொற்கூட்டி கொச்சை மொழி பேசி
இச்சை தனிதலால் இல்லை பலன் ஏதும்
இனிய கனிஇருக்க இன்னாத காய்கவர்தலை
இனியாவது தவிர்த்திடுவோம் செய்வீர்!

பயனிலா சொற்கள் பேசி
பயன் நிறை காலம் தனை
பயனின்றி கடத்திவிட்டு போவதனால்
பயன் என்ன வென்று சிந்திப்பீர்!

வள்ளுவன் வகுத்த சொல்லியல் நெறிகளை
வழுவாது பற்றி நடப்போம்
வாக்கினில் தூய்மை காத்து
வாழ்வில் துன்பம் குறைப்போம் வாரீர்!

அமுத தமிழின் அழகு நடையில்
அன்பெனும் இன்பம் பொங்க ஆசையோடு
அளாவி மகிழ்வோம் ஆனந்த களிகொண்டே
அனைவரின் உள்ளதையும் ஆள்வோம் வாரீர்!

மனசு கேட்கல

2008-09-18T18:37:00.001+05:30

ஒரு ரூவா காசுக்கு இங்கே
ஒரு கிலோ அரிசி விற்கிறாங்க - ஆனா
மற்ற பொருள் விலைகள்யெல்லாம்
மண்ணத் தாண்டி விண்ணத் தொட்டு
மாசக் கணக்கு ஆகிடுச்சு

எண்ணெய் விலை என்ன விலை
ஏழைகளால் எண்ணிபார்க்க முடியவில்லை
எரிபொருட்கள் எல்லாமே உலகச் சந்தையிலே
ஏறினாலும் இறங்கினாலும் இங்கே
எற்றியது எற்றியது தானே

நியாயவிலை கடையில தானே
நாங்களும் தாருவே மலிவு விலை
மளிகைப் பொருள் என்று தமுக்கடிச்சாங்க – ஆனா
மாசையும், தூசையும் அள்ளி வந்து
மக்கள் தலையில கட்டுறாங்க

பசியில் எரியும் வயுற்றுடனே
படியரிசி வாங்கத்தானே
பாவி மக்கள் பகலெல்லாம்
வரிசையிலே கால்வலிக்க
காத்துக்கிடக்குறாங்க

நல்ல பொருளையெல்லாம்
இல்லை இருப்பு என்று
இமைப்பொழுதில் இழுத்து கதவடைத்து
கொள்ளையடித்துச் சென்று
கள்ளச் சந்தையிலே காசு பார்க்குறாங்க

மின்னலா வந்து போகும் மின்சாரம்
மீண்டும் எப்ப வருமென்று தெரியாது
முடிஞ்ச பார்த்துக்குங்க கண்ணாற
இருட்டில் இருக்கும் நமக்கு இங்கே
எல்லாமே இலவசமாம் சொல்லுறாங்க

முழு நாளும் உடல் வருத்தி
மூட்ட தூக்கி வண்டியிழுத்து
காடு மேடு அலைஞ்சு திருஞ்சு
பாடுபட்டு உழச்ச பணத்தை
வீடு கொண்டு சேர்க்க முடியல

காலை, மாலை, இரவு என எந்நேரமும்
மூலைக்கு மூலை மதுக் கடைகள்
மூடாமலே திறந்து கிடக்குது -ஆனா
மூளை வளர்க்கும் பள்ளிக்கூடங்கள்
மூடித்தானே கிடக்குது திறக்காமலே

பள்ளிக்கூட பிள்ளைகள் எல்லாம்
படிப்ப மறந்து குடியை பழகி
மதுக்கடை வயிலிலே தவகிடக்குறாங்க
புத்தகப்பை பிடித்த கையில்
புட்டி மதுவை ஏந்தி மகிழ்கின்றார்

மதுக்கடை வருவாயால் தானே
மாநிலத்தில் அரசு தலை நிமிர்ந்து நடக்குது -ஆனா
முட்டாளு சனங்களெல்லாம்
முட்ட முட்ட குடுச்சுப்புட்டு தலை கவிழ்ந்து
முச்சந்தியில் விழுந்து கிடக்குது

உன்னை, என்னை,ஊர ஏய்ச்சுப் பிழைக்குறாங்க
உள்ளதச் சொன்னா உதைக்கிறாங்க
எடுத்துச் சொன்னா எதிர்க்கிறாங்க
என்னமோ நடக்குது எதுவும் புரியல
ஏனோ தெரியல என் மனசு கேட்கல

விடுமுறை

2008-05-08T17:05:00.005+05:30

பள்ளிக்கூட விடுமுறையில்
பழைய கஞ்சி ஊத்திக்கிட்டு
பட்டி ஆட்ட ஓட்டிக்கிட்டு
பாட்டங்காடு தேடிப் போவோம்
பச்ச புல்லு மேய்சலுக்கு

ஆத்தா அப்பனுக்கு தெரியாம
ஆளுக்கு ஓரு ஆலாக்கு
அரிசி பருப்பு கொண்டு போயி
அடுப்பு மூட்டி ஆக்கித் திம்போம்
ஆவி பறக்க கூட்டாஞ்சோறு.

வாய்க்கா மேட்டு ஏரியில
வவறங் காட்டு ஓரத்துல
வளஞ்சிருக்கும் கோணபனையேறி
வெளஞ்ச கொல நுங்கு வெட்டி
வயிறுமுட்ட திண்ணிடுவோம்

பச்சகொட்டகுச்சிதண்டு
பக்குவமா வெட்டியாந்து
பனங்குடுக்கா வண்டி சேத்தி
பாரமெல்லாம் நிறைய ஏத்தி
பட்டணந்தான் போய்வருவோம்

மலவேம்பு உச்சியில் ஏறி நின்னுக்கிட்டு
மண்ண அள்ளிப் பூசிக்கிட்டு
மலையள கருப்பு நான்டா
மலையேற வந்திருக் கேன்டான்னு
மருளு வந்து ஆடிடுவோம்

------ தொடரும்

கோவணத்த சுருட்டிக்கட்டி

2008-02-27T19:16:00.000+05:30

கோழிகூவும் வேளையில
கோவணத்த சுருட்டிக்கட்டி
எழுந்திருச்சு எருது புடுச்சு
எச பாட்டு படுச்சபடி
ஏற்றங் கட்டி நீரிரைச்சு

ஏரு பூட்டி சேரு புரட்டி
மேடு பள்ளம் நிரவிவிட்டு
வாய்க்க வெட்டி
வயலடிச்சு வரப்பு கட்டி
வண்டல் படியவிட்டு

பொன் விளையும் பூமி தாய
நெஞ்சுறுக வேண்டிக்கிட்டு
நெல்லுமணி விதையத்தானே
அளவாக அள்ளித் தெளித்து
நல்லபடி நாற்று விட்டு

சுட்ட சட்டி எடுத்து வந்து
சுண்ணாம்பு சாந்து குழச்சு
வட்ட வட்ட பொட்டு வச்சு
வைக்கோலு பொம்ம கட்டி
வரப்பு மேல நட்டிடுவோம்

ஆட்டு, மாட்டுக் கிடைபோட்டு
ஆவாரம்பூ தழை போட்டு
ஆழமாக ஏர் உழுது
அங்க அங்க அணைபோட்டு
ஐப்பசி மழைய மண்ணுக்கு பாச்சிடுவோம்

காஞ்ச மிளகா கடுச்சுக்கிட்டு
கம்மங் கூழு, களியுருண்டை
கஞ்சி தண்ணிய
கையகட்டி குடிச்சுக்கிட்டு
காட்டுல மேட்டுல
கவலையில்லம பாடுபட்டோம்

------ தொடரும்

இனிய பொங்கல் நல் வாழ்த்துக்கள்

2008-01-12T17:26:00.000+05:30

பொன் விளையும் பூமிக்கும்
பொன்னிறமாய் புலர்கின்ற பொழுதுக்கும்
நன்றி சொல்லும் நன்னாளாம்
நம் தமிழர் தைத் திருநாள்

உயிர்களிடம் அன்பு சொல்லி
உழைப்புக்கு நன்றி சொல்லி
பயிர் வளர்க்கும் உயர்குடியே
பழையன கழித்து புதியன புகுத்திடு

இன்நாளில் எரித்துவிடு
உன் உள்ளத்துக் குப்பைகளை
என்நாளும் எரிக்காமல் புதைத்துவிடு
சூழலுக்கு கேடு தரும் மாசுகளை

இல்லத்தை தூய்மை செய்து வெள்ளையடி
நல்லவைகள் செய்து செய்து
நம் மக்கள் நெஞ்சங்களே
நல்லபடி கொள்ளையடி

பச்சரிசி பொங்கலிட்டு பாசமுடன் அதை
பல்லுயிர்க்ககும் படையலிட்டு
பொங்கலோ! பொங்கல் ! என்று
மங்களமாய் மகிழ்ச்சி பொங்க முழக்கமிடு

மண்ணுக்கும் மழைக்கும்
மனதார நன்றி சொல்லு
மானுடம் முழுமைக்கும்
மகிழ்ச்சியோடு வாழ்த்துச் சொல்லு

வயல்வெளிக்கு வாங்க

2008-01-04T14:12:00.000+05:30

Rss ஓடையில் பிழை உள்ளது என தமிழ்மணம் வயல்வெளிக்கு அனுமதி மறுக்கிறது அது தான் இந்த குறுக்குவழி
விவசாயிகள் மேம்பாட்டிற்கு உதவும் வீடியோ கான்பரன்சிங்

புத்தாண்டு நல் வாழ்த்துகள்

2008-01-01T10:53:00.000+05:30

அன்புள்ள நண்பர்களுக்கு

இனிய புத்தாண்டு நல் வாழ்த்துகள்

அன்புடன்

பாஸ்கரன்

சீர்திருத்த சிம்மம் பல்சுவை மாத இதழ் - அறிமுகம்

2007-12-20T11:13:00.000+05:30

வலையுலக நண்பர்களுக்கு வணக்கம்

சீர்திருத்த சிம்மம் என்ற பல்சுவை மாத இதழை கரூரில் இருந்து வெளியிடுகிறோம். இந்த மாதம் இரண்டாம் இதழ் வெளிவந்துவிட்டது . நண்பர்கள் வாங்கி சுவைத்து நிறை குறைகளை கூறி சீர்திருத்த சிம்மம் வளர உதவ வேண்டுகிறோம்.

தங்கள் கருத்துக்களை அனுப்ப வேண்டிய முகவரி;

சண்முகா பப்ளிகேஷன்ஸ்,
ப.எ.32 ஜி, பு.எண் 11ஈ,
எம்.ஜி.ஆர் நகர்,
இரண்டாவது கிராஸ்,
சின்னாண்டான் கோயில் ரோடு,
கரூர்- 639 001.

மின்னஞ்சல்: simmamravi@gmail.com

ஆசிரியர் – ச.ப.சண்முக ரவி

இணை ஆசிரியர் - ச.ப.சரவணன்

ஆசிரியர் குழு – சிவ, சு. பாஸ்கரன்

தலை நிமிர்த்தி வாருங்கள்

2007-11-29T12:44:00.000+05:30

என்று விடியும் எம்மவர் பொழுது
இழந்ததைப் பெறவே இருப்பதை இழந்தர்
இறந்தவன் உதிரம் காயும் முன்னே
இருப்பவன் பிணமாய் சாய்கின்றான்
இறப்பது தெரிந்தும் பிறக்கிறார் சாக

என்று தனியும் எம்மவர் தாகம்
வளங்களை இழந்து
வாழ்வினை தொலைத்து
நித்தம் எரியும் யுத்த நெருப்பில்
நிர்கதியாய் நிற்கின்றார்

குண்டு மழையில் நனைந்து
குருதிச் சேற்றில் விழுந்து
கொத்துக் கொத்தாய்
செத்து மடியிதடா உன்
செந்தமிழ் உயிர்பிறப்பு

பண்டு நாளில் படை கொண்டு
பாராண்டான் பழந்தமிழன்- இன்று
பக்கத்தில் உள்ளவன்
துக்கத்திற்கு கூட
சத்தமிட்டு அழ முடியவில்லை

வெந்த புண்ணில் வேல் பாய்சி
வேதனைத் தீயில் நெய்யூற்ற
வந்ததடா வாய்ப்பூட்டுச் சட்டம்
வகுத்தவனுக்கே வலியிருந்தும்
வழியின்றி வாய் மூடி அழுகின்றான்

படை கொண்டு பாழ்படுத்தி
உடை களைந்து சீரழித்து வெற்றி
அடைந்திட தான் துடிக்குது
ஆதிக்க இன வெறி
அதுமட்டும் நடக்காது

எங்கெல்லாம் என் தமிழன்
ஏணியாய் உள்ளானோ
அங்கெல்லாம் ஏறிய பின்
எட்டி உதைக்கின்றார்
எம்மவன் துயர் துடைக்க எவனுமில்லை

பட்டினியால் சாவும் உயிர்களின்
பசிக்கு உணவனுப்ப பல தடைகள்
படுகொலை பாவிகளுக்கு
படைக்கலன் ஆயுதம் என
பலவகை உயிர் கொல்லி உதவிகள்

அகிம்சை தேசத்தின்
அரிதார பூச்சு அரசியல் வேசிகளே
அங்கு ஒலிக்கும் மரண ஓலங்களுக்கு
மூல காரணம் உங்கள்
முதுகெலும்பில்லா முனகல்தானே.

தன்மான தமிழர்களே
தளைகளை வெட்டி ஏறிந்து
தலை நிமிர்த்தி வாருங்கள்
தவிக்கும் தமிழனின் துயர் துடைத்து
தாயாக துணையிருக்க

உரிமைக்கு குரல் கொடுப்போம்
உறவுக்கு கை கொடுப்போம்
உள்ளமெல்லாம் நிறைந்திருக்கும்
உணர்வுகளை உறுதி கொண்டு
உறக்க முழக்கம் செய்வோம்

தொட்டில் குழந்தைகள்

2007-10-19T19:33:00.000+05:30

ஐயிரண்டு மாதங்கள்
மெய் வருத்தி சுமந்து நீங்கள்
பெற்ற பிள்ளை நாங்கள்
பெண்ணாய் போனதாலே

அரசு தொட்டில் தேடிச் சென்று
அனாதையாய் எறிந்து வரும்
அவலம் இங்கு அச்சமின்றி
அனுதினமும் நடக்குதம்மா!
தாய் வெறுத்த பிள்ளைகளாம் எங்களை
தமிழரசு ஏற்றாலும்
தவறரியா சேயகள் நாங்கள்
தான் செய்த குற்றமென்ன?

நல்ல வேளை கள்ளிப் பாலூற்றி
எங்களை கொல்லாமல்
தொட்டில் குழந்தையாய்
விட்டுப் போனதற்கு கோடி நன்றி

பெற்ற குழந்தையையே
பெயரிலியாய் விட்டெறிந்த எம்
பெற்றோரே உற்ற
உறவுகளை எங்கணம் தான் காப்பீரோ?

முன்னுரையில்லாத கட்டுரையாய்
முகவரியிழந்த முகங்களுடன்
நாளைய உலகில் நாங்கள்
என் செய்வோம் சிந்தித்தீரா?

நல் வாழ்த்து

2007-10-11T11:03:00.000+05:30

எகிப்தின் நைல் நதியாய்
என் வாழ்வில் வளம் சேர்க்க வந்தாய்
எந்நாளும் இன்புற்று இருக்க
ஏழிசையாய் யாழினிசையைத் தந்தாய்

ஏழை எனது பாலை வயல்வெளியை
ஆழ உழுது பண்படுத்தி
அன்பு பயிர் வளர்க்க வந்த
ஆனந்த மழை துளியே

எனக்கெனப் பிறந்த
எழில் நிலவே
எனுயிரில் கலந்த
பொன்னொளியே

வீசு தென்றல் கொண்டு வந்த
பேசும் கீதமே
பாச மழையில் எனை நனைக்கும்
வசந்த ராகமே

இந்நாள் இது இனிய நன்னாள்
என் இதய அரசி நீ
இப் புவியினில் பிறந்த பொன்னாள்
இன்று போல என்றும் வாழ்க வாழ்க

ஏ! நினைவிழந்த தமிழகமே!

2007-09-22T15:07:00.000+05:30

உழவு நிழங்கள் எல்லாம்
ஊர்களாகி போனதனால்
உழைப்பவர் யாருமில்லை
உண்பதற்கு சோறுமில்லை

விளை நிலங்கள் பாலாகி
விதைகளெல்லாம் நஞ்சாகி
விவசாயம் செத்ததாலே
விலைவாசி ஏறுதம்மா

வாழ்வுக்கு வழியில்லை
வயிற்றுக்கு உணவில்லை
வருவாயும் போதவில்லை – அது
வரும் வழியும் தெரியவில்லை

கரு முகில் காதலிக்கும்
கனகத்து தருக்களெல்லாம்
கருவினிலே வெட்டுண்டு போனதால்
காரு மழை பெய்யவில்லை

நீரூறும் ஏரி, குளம், ஆறு எல்லாம்
தூர் பட்டுப் போனதாலே
ஏர் உழவு நடக்கவில்லை
எவ்வழியும் கிடைக்கவில்லை

ஏசமான சாதியெல்லாம்
எள்ளி நகைக்குதம்மா
ஏழை சனமிங்கு ஏதுமின்றி
ஏதிலியாய் தவிக்குதம்மா

வாரம் ஒரு புது கட்சி
வீர முழக்கமிட்டு
வரிசையாய் பிறக்குதம்மா
விடுதலை தருவதற்கு

வளரச்சி ஏதுமில்லை
வறுமை தான் ஒழியவில்லை
வன்முறை ஓயவில்லை
வழக்குகள் தீரவில்லை

வீண் சண்டை தான் முளைக்கிறது
விளக்கங்கள் தேனாய் இனிக்கிறது
விடையேதும் கிடைக்கவில்லை
விடியல் தான பிறக்கவில்லை

இருந்த, இல்லாத ராமனுக்கு
இருக்கிறது இரு குழுக்கள்
இவை மறந்தும் மக்களை
நினைப்பதில்லை

பொய்யும் புரட்டும்
பொதுவாழ்வாய் போனதால்
களவும் கையூட்டும்
கைகோர்த்து திரியுதம்மா

மண்ணும் மணலும்
பொன் முட்டை போடுவதால்
பகல் கொள்ளை பங்குக்கு
புதிது புதிதாய் பூக்குதம்மா
புரிந்துணரவு ஒப்பந்தங்கள்

கல்விதனை காசுக்கு
விலை கூவி விற்றுவிட்டு
காண்பதற்கு இலவசமாய்
வண்ணத் தொலைக் காட்சி

தரம் கெட்ட நிகழ்சிகளால்
தமிழ் கொலை செய்திடவே
கணக்கின்றி தோன்றுதம்மா
தினம் ஒரு சின்னத் திரை

ஐயகோ!
அழுகிப்போன அரசியலை
நெறிப்படுத்துவது எந்நாளோ- ஏ
நினைவிழந்த தமிழகமே
நீ என்று நீடு துயில்
நீங்கி எழுவாயோ?

தலைக் கவசம் -நடைமுறைச் சிக்கல்

2007-08-27T16:22:00.000+05:30

தலைக் கவசம் அணியாத தி.மு.க உறுப்பினர் எச்சரிக்கப்பட்டதால் காவல்
நிலையம் முற்றுகை – செய்தி தமிழ் ஓசை

கரூர் நகரில் கவசம் அணியாது இரு சக்கர ஊர்தியில் சென்ற தி.மு.க உள்ளாட்சி உறுப்பினரை காவல் துறையினர் எச்சரித்த போது அவர்களிடையே வாக்குவாதம் எற்ப்பட்டது. மக்கள் நெருக்கம் மிகுந்த லைட் ஹவுஸ் பகுதியில் இந்நிகழ்வு நடைபெற்றதால் பெரும் பரபரப்பை ஏற்படுத்தியது. ஆத்திரமடைந்த தி.மு.கவினர் காவல் நிலையத்தை முற்றுகையிட்டனர்.

கரூர் நகராட்சி உறுப்பினராக உள்ள தி.மு.கவைச் சேர்ந்த திரு. பாலகுரு லைட் ஹவுஸ் முனை பகுதியில் இரு சக்கர ஊர்தியில் சென்ற போது தலைகவச ஆய்வில் ஈடுபட்டிருந்த பெண் காவலர் சுப்புலட்சுமி பாலகுருவினை பிடித்தார். அப்போது நான் தி.மு.க உறுப்பினர் என பாலகுரு தெரிவித்தார். அதனால் அவர் உயர் அதிகாரிகளை பார்த்துவிட்டு செல்லுமாறு கூறினார்.

இந்நிலையில் ஆய்வில் ஈடுபட்டிருந்த மற்றொரு பெண் காவலர் இராஜேஸ்வரி பாலகுருவை கண்டித்தார். அதனால் பாலகுரு அந்த இரு காவலர்களிடமும் கடும் வாக்குவாததில் ஈடுபட்டுள்ளார்.

இதுகுறித்து தகவல் அறிந்த உயர் அதிகாரிகள் நிகழ்விடத்த்திற்கு விரைந்து வந்தனர். இந்நிலையில் தகவல் அறிந்து வந்த தி.மு.கவினர் காவல் நிலையத்தை முற்றுகையிட்டனர். இரு பெண் காவலர்கள் மீதும் நடவடிக்கை எடுப்தாக உயர் அதிகாரிகள் கூறியதை தொடர்ந்து தி.மு.கவினர் காவல் நிலைய முற்றுகையை கைவிட்டனர்.

இந்நிலையில் பெண் காவலர்கள் இருவரும் தங்களை பணி செய்யவிடாமல் தடுத்தாதாகக் கூறி உயர் அதிகாரிகளிடம் முறையீடு அளித்தனர். இந்த முறையீட்டின் படி விசாரணை நடத்தப்பட்டு வருகிறது.

தலைக் கவசம் கட்டாயம் அணிய வேண்டும் என்ற தமிழக அரசின் ஆணையை செயல்படுத்துவதில் காவல்துறைக்கு இதுபோன்ற அரசியல்வாதிகளின் இடையூறுகள் கட்சி வேறுபாடு இன்றி ஏற்படுகிறது. இது தவிற பல தரமற்ற போலி தலை கவசங்கள் சந்தையில் விற்ற்க்கப் படுகின்றன. இது பற்றி அரசும் நீதி மன்றமும் கவனத்தில் கொள்ள வேண்டும்.

உன் அழகில்.

2007-08-25T17:49:00.000+05:30

காற்று வெளியிலே
நாற்று வயலிலே
கவிதை மொழியிலே நாளும் வாழும்
உன் நினைவிலே நான்

நேற்று வரையிலும்
வேற்று நினைவிலே
இன்று வந்ததும்
உந்தன் கனவிலே நான்

நதியை போலவே
புதிய அழகிலே- நீ
அதன் நடையைப் போலவே
இன்ப வெள்ளத்தில் நான்

பளிங்கு மாளிகை
எழுந்து வந்தது போல் - நீ
படிக்கட்டுகளாய் - உன்
பாதம் பட தவமிருக்கிறேன் நான்

பவள மல்லி பூவின்
பனி தவழும் புன்னகை - நீ
புதயல் கண்ட ஏழையின்
இதயமாய் நான்

காலையில் கதிராய்
மாலையில் மதியாய் - நீ
இரண்டிலும்
இருப்பு கொள்ளாது நான்

வைகறையில் வரும்
வசந்தமாய் - நீ
வாசமலர் சுற்றி வரும்
வண்டினமாய் நான்

பார்க்கும் பார்வையிலும்
பயணிக்கும் பாதையிலும் பசுமையாய் - நீ
பசுமையின் நிழல்தனில்
பச்சிளம் குளவியாய் நான்

மலை முகடுகள் தோறும்
முத்தமிடும் முகில்களாய் - நீ
முத்த சத்ததிடை கடல்
முத்து குளித்தவனாய் நான்

பித்து பிடித்து சொக்கிப் போனேன்
புதிது புதிதாய் பூக்கும்
இயற்கையே உன்
இணையில்ல பேரழகில்

பாவம் நாங்கள்

2007-08-23T16:51:00.000+05:30

ஆயிரம் மதங்கள்
அவனி தனில்
அவதரித்தன
ஆயினும் என்ன?
அணுவளவு கூட
அன்பு தழைக்கவில்லை வையம் தனில்

நபி என்றும் ஏசுவென்றும்
அரியென்றும் சிவமென்றும்
அவதார புருமூரெல்லாம்
அரிதாரம் பூசிவந்தார்
ஆயினும் என்ன?-அணுக்கால் அளவு கூட
அன்பு பூக்கவில்லை பாரினிலே

மதவாதம்
இனவாதம்
சாதீயவாதம்
பயங்கரவாதம் என பல
பக்கவாதங்களில் பாதிக்கப்பட்டு
பட்ட மரமாய் வெட்டுண்டு விழ்ந்தது
பாருலக பரந்துபட்ட சமுதாயம்

கல்லிலும் கடலிலும்
புல்லிலும் புதரிலும்
உள்ளிலும் வெளியிலும்
தூணிலும் துரும்பிலும்
துணை சுற்றும் கோள்யாவினிலும்
ஊறைந்துள்ளான் இறைவனென்றார்

உண்மையாயின் உதைபட்டு வதைபட்டு
உதிரம் சொட்ட சொட்ட
உயிர் விட்டு சாகும் ஊமை மக்கள்
உடல்களில் இல்லையே இறைவன்? காண்
தூண் பிளந்த நரசிம்மம்
துயர் துடைக்க வான் பிளந்து வரவில்லை என்? கேள்

கடவுள் பெயர் சொல்லி
கலகம் பல செய்வித்தே
உப்பு வியர்வை சிந்தி
உழைத்து களைக்காது

உண்டு களித்தே
செண்டு தெளித்தே
செப்புத்திருமேனி
கொப்புக் குழையாது
கப்பு கப்பாய் கையில் தங்க
காப்புகள் பூண்டு

தோப்பும் துரவும்
தொகை தொகையாய்
மானியமும் பெற்று
மனிதரிடை பேதம் வளர்த்து
மாநிலத்தில் மதவாதமூட்டும்
உன்மத்தர் உடல் தோல்
உரிக்க வந்த மின் காந்த சாட்டைக்காரன்

கடவுள் உண்டு என்று சொல்ல நான்
காவியுடை கண் கட்டுகாரனல்ல
கடவுள் இல்லை என்று சொல்லும்
கருஞ்சட்டை பொயாரின் பேரன்

தன்னுடல் பொருளாவி தனம் யாவும் தந்தே
மண்ணுடல் பரவிய மாந்தர் தம் மூளையில்
மண்டிக்கிடந்த இருளறுத்து மாண்பிலா ஒளி தந்தார்
மா மேதை தந்தை பெரியார்

அவர் தம்
மாண்புமிகு மாணவரும்
மக்கள் உள்ளத்தில் உறைந்திருந்த
மடி ஆச்சார மூட பழக்கங்களை
மடை உடைத்த புது நதியின்
மலை புறட்டும் பொங்கு புனலாய் புகுந்து
மன மாசுகள் துடைத்தெறிந்தார்

கயமை கொண்ட கடவுளர்க்கு
கதவடைப்பு செய்ததனால்
தூய்மை பட்ட மனதுள்ளே
வாய்மை வந்தமர்ந்ததடா

நோய்மையாவும் செத்தழிந்து
துன்பம் ஒழிந்ததடா
தாய்மை கொண்ட நெஞ்சில்
தனியாத மனிதநேயம் தழைத்ததடா

வெண்மை தாடி வேந்தன் மறைந்த பின்னே
அறியாமை இருள் மீண்டும்
அணிவகுத்தே அவணிதனை
அடிமை கொள்ள பகை முழக்கம் செய்யுதடா

பழமை எறித்த பகுத்தறவு பகலவனை
பகைமை கொண்ட பருத்த
கருமுகில்கள் காவி போர்த்தி மறைக்குதடா
பெருமையோடு பக்குவப்பட்ட மனதில் பழந்தூசு படியுதடா

பெரியாரின் பேரன்களுக்கு
அறியாசன ஆசை மட்டுமே
பெரிதாய் போனதாலே
பதவி வெறி அரசியலின்
அத்தாட்சியாய் சாதியும் மதமும்

காட்சி பொருளாக்கி கட்சி
கொள்கைதனை கற்றில் துக்ற்றிவிட்டு
கடவுள் கொள்கை மட்டும்
கதிமோட்மூம் என துணை கொண்டார்
திடவுள்ளம் கொண்ட திராவிடர்களெல்லாம்
கடவுளுக்குள் கலந்திட்டார்

தேவைகள் யாவும் வாக்கு
தேவதைகளானதனால்
கோயில் தோரும்
கோ தானம் செய்ய மஞ்சளுடை சூடி
வயில் தனில் வாசையில்
தெரு கல்லாய் காத்துக் கிடகின்றார்

மசூதிகள் சென்று மறையோதி
கஞ்சி குடித்திட்டார்
தேவாலயத்தில் நின்று தேவனிடம்
பாவிகள் நாங்களென்றும் உன்
பார்வை பட வேண்டுமென்றும்
பயபக்தியோடு வேண்டிக் கொண்டார்

காரணங்கள் பலவாக்கி
காரியத்தில் கண் கொண்டார்
கருஞ்சட்டை தனை
கழற்றிவிட்ட பொறுப்பற்ற மனிதரானார்

காலம் கடந்து யோகம் பெற்ற ஞானியாகி
கடவுள் இல்லை என கடுமுழக்கம் செய்திடுவார்
கட்சி தேர்தலில் வென்றிட
கடவுளே துணை என தொழுதிடுவார்

கண்மூடிக் கிடக்கும் சமூகத்திற்கு
வழிகாட்டும் கதியென்பார்
கண்கட்டு வித்தகனாகி
மக்களை முட்டாளாக்கிவிட்ட
கலியு சுயமாயாதை சுடர்களே போதும் உங்கள்
திருவிளையாடல்
கடவுளர்கள் போததென்று
நீங்கள் வேறு பாவம் நாங்கள்

வானம் வசப்படும்

2007-07-25T14:28:00.000+05:30

விடியல் பொழுதில்
விரி கதிர் எழுகையில்
விண்ணில் பறக்கும் புள்ளினம் போல
விழித்தெழு தோழா

வெளியெங்கும் ஒளியுண்டு
வெற்றிடம் ஏதுமில்லை
விழி திறந்து நோக்கு
வெற்றியின் வழி திறக்கும் தோழா

புல் நுனி பனித்துளியாய் இருக்காதே
பூக்களின் தேன் துளியாய்
புன்னகை புது மொழியாய்
புரட்சிகள் பல செய்ய எழுவாய் தோழா

கையில் கிடைப்பதை
கவனமாய் பற்றிக்கொண்டு
கவலைச் சுமைகளை
களைந்து எறி தோழா

உழைப்பின் ஏணிப் படிகளில்
உண்மையின் துணையோடு
உன் கால்களை ஊன்றி நடந்தால்
உயர்வு கிடைக்கும் தோழா

மண்ணில் நம் பிறப்பு
மண்ணோடு மடிவதற்கல்ல
மானுடம் தழைக்க
மனிதம் வளர்ப்பதற்காக தோழா

வாய்மை வழிதனிலே
வலிமையோடு நடந்து பார்
வாழ்வும் வசந்தமாகும்
வானமும் வசப்படும் தோழா

எழு தமிழா எழு !

2007-05-23T20:00:00.000+05:30

ஏனடா தமிழா?
ஏனிந்த இழிநிலை
எட்டி உதைத்து
எச்சில் உமிழ்ந்து
எள்ளி நகைக்கிறது உலகம்

ஏவல் செய்யும் எடுபிடியாய்
எடுப்பார் கைப்பிள்ளையாய்
எல்லோரும் ஏறிச் செல்லும்
ஏணியாய் நீ இருப்பதனால் தான்
ஏமாளி என்று எண்ணிவிட்டார்

எல்லையைச் சுற்றி எங்கும்
எல்லையில்லா எதிரிகள்
ஏதேனும் தொல்லை கொடுத்தே
எதற்கெடுத்தாலும் எதிர்கின்றார்
என்ன செய்கிறாய் நீ?

செழித்தோடிய கடற் காவிரி
முல்லைப் பெரியாறு
வெள்ளைப் பாலாறு – என
வெம்புனல் பொங்கிய நதிகள் எல்லாம்
கொள்ளை போனது அயலரிடம்

நொய்யல் நதிதனை திருப்பூர்
பின்னல் ஆடை சாயகழிவுக்கும்
தாமிரபரணித் தண்ணீரை
தனியார் தண்ணீர் ஆலை
தாகத்திற்கும் தாரை வார்த்தாய்

உள்ளூர் நதிகளும் ஊரணிகளும்
உருக்குலைந்து போனது
உன் வாழ்வாதார
உரிமைகள் பறிபோயும்
உன் நெடுந்துயில் கலையவில்லை

தாய் தமிழகத்தில் தமிழன்
தண்ணீருக்கு கண்ணீர் சிந்துகிறான்
தனி ஈழம் வேண்டியே
தென் தமிழன் சென்நீர் சிந்துகிறான்
தமிழனென்பதால் தான் இந்நிலையோ?

தமிழர் என்றோர் இனமுண்டு –அவர்க்கு
தனியொரு குணமுண்டு என்பது தவறா? தாரணியில் என்றும்
தழ்வுற்று கிடப்பது தான் உன் குணமா?
தமிழா நீயும் தன்னிலை உணர்வது என்நாளோ?

வான் உனது! வளி உனது!
வையத்தில் வாழ்வதற்கு
கலனளவு நீரும்
கையளவு நிலமும் மட்டும்
உனக்கு கானல் நீரா?

எழு தமிழா எழு எரிமலையாய்
எதிர் நிற்கும் உன்பகை வெல்ல
எள்ளி நகைத்து ஏளனம் செய்தவர்
எல்லாம் இனி எழுந்து வணங்கட்டும்
உன் தலை கண்டால்

காற்றே பூங்காற்றே

2007-05-22T14:32:00.000+05:30

நதியோடு விளையாடி
கொடிமலரோடு உறவாடி
வயல் நாற்றைத் தழுவ
நடந்தோடும் பூங்காற்றே
நான் பாடும் பாட்டை
கொஞ்சம் உன்னேடு எடுத்துப்போ

விண் தேடும் முகிலுக்குள்
மண் தேடும் மழைத்துளிகள்
குளிந்துறைந்து
சிறையிருந்து பிறந்தெழுந்து
சீறிப்பாய்ந்து பொங்குவதுபோல்

உள்ளத்தின் கருவறையில்
உண்மையின் சூல் தாங்கி
உணர்ச்சி வெள்ளத்தில்
உருவான கவி குழவியிது
உயிரின் துடிப்பலையில்
உறவின் படிப்பிணையை
உணர்த்தும் உதயமிது

நீள் வானில் நீந்தி வரும்
நிலவைப் போல்
நீங்காத குளிரைத் தரும்
கீழ் வானின் இருள்
கிழித்து கிழக்குதிக்கும்
கதிரைப் போல
ஒளியைத் தரும்

உவகையளித்திடும்
உழைப்பை வளர்த்திடும்
களைப்பை அகற்றிடும்
கனிவைப் பொழிந்திடும்
கவலை அறுத்திடும்
காலமெல்லம் நிலைத்திடும்

இயற்கையை புகழ்ந்திடும்
எண்ணம் கொண்ட
என் பாட்டை
இளங்காற்றே - நீ
இவ்வுலகின் பரப்பில்
இன்ப ஓவியமாய் தீட்டிப் போ.....

இயற்றமிழ் எழிலரசி

2007-05-21T21:22:00.001+05:30

சீர் மிகு சித்திரைத் திங்கள்
பார் போற்றும் பத்தாம் நாள்
சிறப்புற வந்தாள் எங்கள்
பத்தரை மாற்று சித்திரச் செல்வி

இராயிரத்தோழு ஏப்ரல் திங்கள்
இருபத்து மூன்று - ஓன்பது.
முப்பத்தொன்பது மணிக்கு
முத்து மணி சுடர்விழி முகம் கண்டோம்.

அன்பே! ஆருயிரே!
அழகு மலர் கொடியே!
ஆண்டவன் எமக்களித்த
அளவில்லாப் பெருங்கொடையே!

அமுதத் தேன் துளியே!
ஆழிப் பொன் முத்தே!
இன்பம் சேர்க்க வந்த
இணையில்லா பண்ணிசையே!

தென்பொதிகை தவழ்கின்ற
தென்றலோடு கலந்து வந்த
இளங்குறிஞ்சி மலரிகளின்
இனிய வசந்தமே!

துள்ளும் இளமானே!
துளிர்விடும் பசுந்தாளிரே!
துயர் தீர்க்க வந்த
தூண்டா விளக்கொளியே!

மழலை கீதம் பாடி வந்த
மாணிக்க பூங்குயிலே இனி
எங்கள் வாழ்வின் வழி
எங்கும் பொங்கும் இன்பம்
பிஞ்சுக் கைகள் பிடித்துக்
கொஞ்சி மகிழும் போது மென்
பஞ்சுக் கால்கள் இரண்டும் என்
நெஞ்சு தொடும்

கட்டித் தங்கம் வெட்டியெடுத்து
குட்டிப் பூக்கள் கொட்டிப் பரப்பி
குளிர் சந்தணக் குழம்பினில் குழைத்தெடுத்த தென்
குமரி கடல் முத்து அவள்

பசும் பொன்னெழில்
பாச்சிளம் குழவியவள்
பாச் சுவையில் செந்தமிழாள்
பழச் சுவையில் தேன் மொழியாள்

பனிக்குவளை சிறு விழியாள்
பால் பொங்கும் பூமுகத்தாள்
இனிமை தரும் மழலை கீதமவள்
இனிக்கின்ற இ ளாநகையாள்

உதயத்தின் வசந்த காலம் அவள்
உவகை தரும் இன்ப கோலம்
உள்ளத்தின் உண்மை வெளி
உயிருக்குள் உயிர்த்தெழுந்த உயிரின் ஒளி

அழகிய மணிக் கொடி அவள்
குலத்தில் பெருங்குடி
அமுதின் தாய் மொழி அவள்
குணத்தில் சுடர் ஒளி

கீதம் தந்த கீதை
கிழக்குச் சுடரொளி கோதை
இளமதி இளவரசி எங்கள்
இயற்றமிழ் எழிலரசி வாழ்க! வாழ்க!

நம் தாய் நாடு

2007-05-17T13:14:00.000+05:30

குமுறும் குமரித் தென் கடலலையினிலும்!
குளிரும் இமயத்தின் வெண் பனி மலையினிலும்!
ஒளிரும் வங்கத்து பொன் நிறக் கோதுமை!
விளையும் வயல்களிலும் இந்தியத் தாய் சிரிக்கின்றாள்!

பொன்னி நதி கொஞ்சி விளையாடும்
தஞ்சையின் நஞ்சை பூமியிலும்
தொன்னை இளங்கீற்று தெம்மாங்கு பாடும்
மலையாள கரையோரமும் தங்கி இளைப்பருகிறாள்

அரபிக்கடலில் அவள் ஆடி மகிழ்வாள் - அமுத
சுரபியாகி அகிலம் முழுதும் அருள் தாருவாள்
பிறருக்கு உதவிகள் செய்து உயர்த்திவிடுவாள் - தன்
வரவினில் செலவுகள் செய்து உயர்ந்திடுவாள்

உறுபகை வெல்ல போர் முனை புகுவாள்
உறவினை பலமாக்க நட்பு கரம் நீட்டிடுவாள்
அறிவினை மெருகேற்றி புதுமைகள் படைத்திடுவாள் -ஆயினும்
மரபினில் விலகாது மாண்பினைக் காத்திடுவாள்

வாய்மை கொண்டே வாழ்ந்திருப்பாள்
வளங்கள் கோடி வைத்திருப்பாள்
வையம் முழுமைக்கும் அன்பு ஈந்திருப்பாள்
வந்தே மாதரம் என்றே முழங்கிடுவாள்

காலமே விடை சொல்

2007-05-15T13:26:00.000+05:30

வறண்டு வாய் பிளந்த
வண்டல் வயல்களில்
வாடும் பயிர் கண்டு
சடுதியில் சாய்ந்தன உயிர்கள்

கருகியது குறுவை
இறுக்கியது குத்தகை
சம்பாவும் நம்ப முடியவில்லை
சாவு மட்டும் நம்பிக்கையாய்

கடன் பட்ட கணக்கு மட்டும்
உடன் வட்டியும் குட்டியுமாய்
பட்டம் பார்த்து நட்ட நடவு மட்டும்
பட்டு காய்ந்து பொட்டை காடாய்

வாழையும் நெல்லும்
வளமாய் விளைந்த
வயல்களில் வறட்சி மட்டும்
வற்றாத ஜீவ நதியாய

தஞ்சை நெற்களஞ்சியம்
தற்கொலை சாவுகளால்
தாக்குண்டு கலங்கியபடியே
தஞ்சமடைந்தது பஞ்சத்தின் பிடியில்

சமைத்த சாப்பாட்டுக்கு
சாரிசாரியாய் சத்துணவு கூடம் நோக்கி
ஊருக்கு படியளந்தவன்
உணவுக்கு தட்டேந்தி

எங்கே எவரோ பட்ட துயருக்கெலாம்
இங்கே இவர் கலங்கி கொடையளித்தார்
இன்றே இவர் படும் துயர் நிலை கண்டு
இடர் கலைவார் யாருமில்லை

போலிச் சமத்துவ போதனைகள்
போதித்தே போக்கு காட்டுவார்
பொங்கும் வேதனை புண்ணிலேயே
கங்கும் அனலாய் தீ _ட்டுவார்

எரியும் வீட்டில் பிடுங்கியது லாபம் எது
எரிந்தாலும் எனக்கென்ன சோகம் என்று
எதிர் எதிர் அணியில் கரைவேட்டிகள்
எதிர்ப்பு அறிக்கைகுள்ளேயே எங்கள் ஏழ்மை எருவாகிறது

விடியலை காணுமுன்னே அஸ்தமிக்கும் நாங்கள்
விடுதலை பொற்று
விளைச்சல் காண்போமா? காப்போமா?
விரைவாய் விடை சொல் காலமே

மண்ணுக்கும் மழைக்கும் மணமுறிவு

2007-02-22T11:02:00.000+05:30

மண்ணுக்கும் மழைக்கும் மணமுறிவு- நெல்
மணிகள் விளைந்த வயல்களில் பேரழிவு
கண்ணீர் துளிகள் காய்ந்து போனது
தண்ணீர் துளிகளை தேடியிங்கே

இறவை ஏற்றங்கள் இயங்கவில்லை
ஈர நிலங்கள் ஏதுமில்லை
இறந்து வறண்ட நிலங்களில்
ஏர் முனை கூர் கொழு இறங்கவில்லை

கால் பிரித்து விதையிட்டு – உழக்
கோல் எடுத்து ஏர் பிடித்து விளைவித்த நாம்
கால் வயித்து கஞ்சிக்கு வழிதேடி
கால் வலிக்க அழைகின்றோம்

சடைசடையா விளைஞ்ச கதிர் அறுத்து
சாரங்கட்டி போரடிச்சு மலமலையா குவிச்சு வச்ச
சீரக சம்பா போல நாமும் சிரிச்சுக் கிடந்தோமே
கல்லியஞ்சம்பா போல தானே களிச்சுக் கிடந்தோமே

புதுமை என்றும், புரட்ச்சி என்றும்
புதுசு புதுசா விதைகளையும்
பூச்சிக் கொள்ளிகளையும் கொண்டு வந்து
புகுத்தினாங்க ஐயா புகுத்தினாங்க

ஆறு மாச விளைச்சளை
மூனு மாசமா மாத்தினாங்க
இயற்கை உரம் வேண்டாம் என்று
செயற்கை உரத்தை போட்டானுக

விளைஞ்ச மண்ணு வெசமாச்சு
உழுத நிலம் ஊனமாப் போச்சு
உயர்ந்த மரங்களை வெட்டிப் போட்டு
ஊத்து மழையை சுட்டுக் கொன்றோம்

மாரி மரித்து ஏரி வறண்டு
நீர்நிலைகளின் வேரிறந்து போனது
ஊரழித்து நகராக்கி
உணவிழந்து வாடுகிறோம்

சு.பாஸ்கரன்

தண்ணீர் வேண்டி கண்ணீர் விடும் தமிழ் தேசமே

2007-02-21T17:53:00.000+05:30

நதிகளை இழந்து தண்ணீர் பிரச்சனைகளில் பக்கத்து மாநிலங்களுடன் போராடிக் கொண்டிருக்கும் நாம் இனியாவது நம் மாநிலத்தில் உள்ள நீர் நிலைகளை கவணிப்போமா ?

கரையிலந்த கண்மாய்கள் இங்கு கணக்கிலாடங்கா
தரையாய் போன ஏரி குளங்கள் எல்லாம் ஏராளம்
நாரைக் கூட்டங்கள் கூடிய ஓடை ஓரங்கள் எல்லாம்
கூரை, ஓடு வீடுகளாச்சு

ஆறுகளில் எல்லாம் ஆலை கழிவும்
திருப்பூரு சாயகழிவும் பொங்கிப்போகுது
ஊற்று நீர் கிணறுகளின் உயிரினையும்
உருஞ்சிவிட்ட்து ஆழ் துளை கிணறுகள்

மழை தரும் மரங்களை எல்லாம்
முறையின்றி வெட்டிப் போட்டோம்
மாதம் மும்மாரி பொழிந்த்து போய்
மாமாங்கத்துக்கு ஒரு மழை வருவதே அரிதானது

காவிரிக்கு கரை கட்டிய கரிகாலனின்
குல வழியாகிய நாம் இன்று
தரை தட்ட மணலை வெட்டிக்
கொள்ளையடிக்கிறோம்

தண்ணீர் வேண்டி கண்ணீர் விடும்
தமிழ் தேசமே இனியாவது விழிப்பாயா?
உன்னிடம் உள்ள நீர் வளங்களை
உடனே கவணிப்பாயா?

சு.பாஸ்கரன்

தமிழா தமிழா? ஆங்கிலமா?

2006-12-04T13:09:00.000+05:30

பட்டி மன்ற தலைப்பாகிவிட்டது
படித்திட தேவை தமிழா? ஆங்கிலமா?
தமிழன் வாழும் மண்ணில்
தமிழ் மட்டும் அகதியாய்

தனக்கோரிடம் கேட்கிறாள்
தமிழ் தாய் தங்கிப் படிக்க
தொடக்கப் பள்ளி முதல்
தொலைதூரக் கல்வி வரை

தன் பிள்ளைகள் எதிர் காலம்
தொல்லையாய் போகும்
தாய் மொழி கல்வியால் என - அவள்
ஊட்டி வளர்த்த குழந்தைகள்
ஊளையிடுகின்றன

ஆங்கில மோகம் ஆமோகமாய்
ஆனதால் கப்பம் கட்டச் சொல்கிறது
அதனை கற்பதற்கு
அன்னைத் தமிழோ அனாதையாய்
பிச்சை கோட்கிறது

குளிர் தமிழ் சொல்லருவி தனில்
குளிக்கின்ற குழவிக்கு
குறைவில்லா ஞானமுண்டு
நிறைவான எதிர் காலமுண்டு

மண் தவழும் மழலை
மங்காத தமிழ்தனிலே
அம்மா என்றழைக்கும்
அமுத மொழி கேட்க யிரம் செவி வேண்டும்

பண்ணிசைக்கும்
யாழ் போலே
பார்தனில் மொழியிசையால்
மோகமூட்டுவது பைந்தமிழ் தானே

என்ன வளம் இல்லை
என் தமிழில் -பின்
ஏன் மாற்றமில்லை
நம் தாய் மொழியில்

நுணி நாக்கில் -நீ
நுகர்ந்துவிட்ட
ஆங்கிலத்தால்
அன்னை தமிழுக்கு ஆபத்து

ஆங்கிலமும் அறியாமல்
தமிழும் தெரியாமல்
தடுமாறுவது
தமிழர் நலனுக்கு ஆபத்து

மொழி பல கல்
எம்மொழி கற்றாலும்
எண்ணங்களில் - உன்
தாய் மொழி வழி நில்

சுபா

கல்விதனை ஊட்டு

2006-12-01T12:23:00.000+05:30

கருவில் இருக்கும் சிசுவிற்கே
கல்வி புகட்டும் காலத்திலே
கல்லுடைக்க பிள்ளைதனை
கருணையின்றி அனுப்புவது என்ன கோலம்

பாட்டனும் பூட்டனும் ஏன்
பரம்பரையே பள்ளிக்கூடம் சென்றதில்லை
பட்டியாடு மேய்ப்பவனுக்கு
படிப்பெதற்க்கு என்றா கேட்க்கிறாய்?

வந்ததைக் கொண்டு
வெந்ததைத் தின்று
நொந்து போன உன் வாழ்கையில்
சிந்தனைக்கு எங்கே நேரம்?

பிள்ளை ஒன்று பிறந்துவிட்டால்
கொல்லைச் சாமி முதல்
எல்லைச் சாமி வரை
வெள்ளாட்டு குட்டி வெட்டுவதாய் வேண்டுகிறாய்

வேண்டுதல்கள் பல செய்து
ஆண்டுகள் சில காத்திருந்து
ஆண்டவன் அளித்ததென மகிழ்கின்ற பிள்ளைக்கு
வேண்டும் கல்விதனை தந்தாயா? நீ

தந்தையென்றும் தாயென்றும்
தன்னுறவை அறிவித்த நீ தரணிதனில்
தளிர் குழந்தைக்கு தனித்தியங்க கல்வி தரும்
தக்க குருவை காட்டவில்லை ஏன்?

தலை எழுத்தை துணைக்கழைத்து
தளிரறிவை மழுங்கடித்து
பணங்காசு தேடிவர
பச்சப் புள்ளைய வித்ததென்ன?

பாடசாலை கூடத்திலே
பாட்டுப் படித்துத் திரிபவனை
பலசரக்கு கடையினிலே பத்தஞ்சு கூலிக்கு
பலியாடாய் க்கிவிட்டாய்

ஆத்தங்கரை மணலினிலே
ஊத்துப் பறித்து விளையாடும் பிஞ்சுகளிங்கு
அடுப்பங்கரை தீயினிலே
இடுப்பொடிய வேகுதடா

புத்தகம் பிடித்து படிக்கும் கைகளிலே
சுத்தியல் கொடுத்து கல் உடைக்கவைக்கிறாய்
பத்திரிக்கை படிக்கும் கைகளிலே
பத்துப் பாத்திரத்தை கொடுத்துவிட்டாய்

சரித்திரம் படைக்கப் பிறந்தவனை - உன்
தரித்திரத்தால் சக்கரம் சுற்ற வைத்தாய்
சித்திரம் தீட்டப் பிறந்தவனை
சத்திரத்தில் எடுபிடியாய் விட்டுவிடாய்

ஏடேடுத்து படிக்கும் குழந்தை எல்லாம்
எச்சில் இலை எடுக்குதடா
ஏதேதோ சட்டமெல்லாம் போட்டுவிட்டார்
ஏனோ இன்னும் இக்கொடுமை நடக்குதடா

பீடிக்கட்டு சுற்றிடவும்,
தீக்குச்சி அடுக்கிடவும்,
சித்தாளாய் சுமந்திடவும் செய்து
சிட்டுக் குருவிகளை சிறகொடித்துவிட்டாய்

பச்சிளம் குழந்தைகளை
பணிக்கமர்த்துவது பாவமடா
பள்ளிக்கூடத்தில் துள்ளிக் திரிபவனை
பணிக்கூடத்தில் சிறைபிடித்தாயடா

குழந்தைகளை பணியமர்த்தல்
குற்றமென்று சட்டமுள்ள காலத்திலே
கூச்சமின்றி மழலையரின்
உழைப்பதனை திருடுகிறாய்

கொத்துக் கொத்தாய் குழந்தைகளை
கொத்தடிமைச் சந்தைதனில்
விற்றுமுதல்லாக்கிவிட்டு
வெற்று முழக்கம் செய்கின்றாய்

கருப்பு மனதை பிடித்த
கல்லாமை பேயை தூர ஓட்டி -உன்
கருவில் வந்த மழலைக்கு கருணை கொஞ்சம் காட்டி
கல்விதன்னை ஊட்டு

கல்வி என்பது காலத்தால் அழியாத
கற்பகத்தரு அதை
கவனத்தோடு பயிர் செய்து - நீ
கனிகளைப் பெறு.
சுபா

மலருமா மனிதம் ?

2006-12-01T12:11:00.000+05:30

நா நயமில்லாத பேச்சு
நாணயமற்ற மனிதர்கள்
நன்றி மறந்த உள்ளாங்கள்
நடிப்பு நுழைந்த இல்லங்கள்

நாடக மேடைதனில்
நாளும் பூசிய அரிதார
நகசுப் பூச்சுகளுடனே எல்லோரும்
நல்லவர்களாகவே நடிக்கிறோம்

காலத்தின் கட்டாயமாக்கப் பட்டு விட்டது
களவும் பொய்யும்
காகிதப் பணமும் காசும்
கசக்கி எறியும் குப்பையாய் மனம்

பண்ட மாற்றுக் காலங்களில்
பரமரிக்கப்பட்டு வந்த பண்பாட்டுப் படிமங்கள்
பகட்டுத்தனங்களுக்குள் சிக்கி சிதைந்து
பிடிமண்ணாய் உதிர்ந்து போனது

விற்பனைப் பொருளல்ல அன்பும் பாசமும்
கற்பனைக்கும் எட்டாத வகையில்
விலை கூவி விற்கப்படுகிறது
விகாரமான மனங்களால் மனிதநேயம்

சாலை விபத்தில் சிக்கியவன் மீது
சாவு கூட சற்று கருணை காட்டுகிறது னால்
சக மனிதன் சாபம் கொடுத்துப் போகிறான்
சாவு கிராக்கி என்று

இல்லங்கள் குடிசைகளாய் இருந்தபோது
உள்ளங்கள் கோபுரமாய் உயர்ந்திருந்தது
செல்வங்கள் சேர்ந்த பின் மனம்
பள்ளாங்களின் படுகுழிக்குள் விழுந்துவிட்டது

நினைவுச் சுவடியின் பக்கங்களில்
நாபகச் சுவடுகளை பத்திரமாய் பதிவு செய்வோம்
கனவுக் கால போதை கரைந்தபின்
கடந்த காலப் பாதையில் திரும்ப வேண்டிவரும்

கோபுர குயில்களுக்கு மட்டும்
பாட்டுச் சொந்தமல்ல
குப்பை மேட்டுக் காகங்களுக்கும் கூட
குரல் வளத்தோடு பாடவரும்

பளிங்கு மாளிகைப்
பஞ்சலோகச் சிலைகள் மட்டும் தான்
பக்திக்குறியனவா என்ன ? மந்தை வெளி
கூளங் கற்களும் கும்பிடத் தகுந்தவையே

ஏழையின் சிரிப்பில் இறைவனை
என்றும் காணச் சொன்னார் அண்ணா
சிரிப்பு ஏழைகள் இவர்கள் எங்கே
சீர்திருத்த சாலை அமைக்கப் போகிறார்கள்

மேட்டுக்குடி வாழ்கை முறையில்
கூட்டிக் கொடுக்கும் கலாச்சாரம் தான்
கொடிகட்டிப் பறக்கிறது இங்கு எங்கு
விடியலின் ஒளிக்கதிர் உதயமாகும்

ஆலயமணிகள் எல்லாம் அந்தியிலேயே
அடங்கிப் போய்விட்ன னாலும்
அரசு மதுக் கடைகள் ஆரவாரத்தோடு
அர்த்த சாமத்திலும் திறந்தே கிடக்கின்றன

உழைத்துப் பிழைப்பதை விட
ஊரை ஏய்த்துப் பிழைபது
எளிதாய் இருக்கையில்
எவருக்குப் பிடிக்கும் உழைப்பு

பெற்ற தாயையே
விற்க்க துணிகையில்
மாற்றாந் தாய்கள்
மரியாதையை எதிர்பார்க்களாமா?

சுற்றமும் நட்ப்பும்
சுமைதாங்கிகளாக இருந்தது போய்
சுமைகளாக கிவிட்ட பின்
சுகமானதாகுமா உறவுகள்

ஓட்டைப் படகில்
ஓடையைக் கடக்க முயற்சிப்பதில் தவறில்லை
கடலினைக் கைப்பற்ற நினைப்பது
கடவுளானலும் கவலைக் குறியதே

காட்டு யானையின்
கால்களுக்கிடையில் சிக்கிய போது தான்
கரும்புத் தோட்டங்களுக்கு
எறுப்புக் கூட்டங்கள் எவ்வளவோ மேல் என தெரியும்

இபொழுதெல்லாம் போட்டு வாங்குவதில்
எல்லோரும் புலிகளாகிவிட்டனர்
கணக்குப் போட்டு வாங்குவதில் அல்ல
கத்தியை கழுத்தில் போட்டு வாங்குவதில்

மா நகரங்கள் இன்று
மா நரகங்களாகிவிட்டது -மாலை
மங்கிய ஒளியில் - மதி
மயங்கிய நிலையில் மனிதவிலங்குகள்

பண்பாட்டு ஆடைகள்
பண்னாட்டு நாகரிகப் பற்களில் சிக்கி
பால்பட்டுப் பின் கண்காட்சிப் பொருளாய்
அயல்நாட்டு அருங்காசட்சியகங்களில்

அரை நூற்றாண்டு கழித்து
அரை நிர்வாணமாய்
அன்னாந்து பார்க்கிறோம்
அது நமக்கு உரியதா என

கருப்பு பணச் சீட்டுகளால் - கல்லாத பாமரனின்
ஓட்டு வங்கிகளை கொள்ளையடிக்கும்
திருட்டு அரசியல்வாதிகள் ஆட்சிக்கு வந்துமே
நாட்டு வங்கிகளை கொள்ளையடிக்கிறார்

சகதிச் சேற்றுக் குட்டைகள்
சாக்கடை ற்று மடைகள்
சடுகுடு டுகிறான் சாமான்யன்
சாலையை கடப்பதற்குக் கூட

சுரங்க சாக்கடை பள்ளங்கள்
திறந்தவெளி சவக்குழிகளாய்
பறக்கும் பேருந்துகள் மரண
பரிசு தரும் மயான தூதர்களாய்

எல்லோர்க்கும் சாவு வருவதுண்டு - ஆனால்
எல்லோரும் சாவதில்லை
கவுரவ சாவுகளாகவும்
கழிவிரக்கச் சாவுகளாகவும் கதை முடிகிறது.

நீதிப்படி இறப்பு எல்லோர்கும் சம்மாயினும்
நிதி இல்லாதவன் குப்பையில் எரியப்படுகிறான்
நிதி இருப்பவன் கல்லறைத் தோட்டத்தில்
நிம்மதியாய் இருக்க காணிநிலம் கேட்க்கிறான்

கேப்பை களி உண்டவனுக்கெல்லாம்
கோப்பை மதுவையும்-பஞ்சணையில்
கொஞ்ச கொங்கை மங்கையையும்
கொடையளித்தால் கோட்ப்பாடுகள் என்ன செய்யும்

பட்டுக்கு ஆசைப்பட்டு
பழைய கந்தையை விட்டெறிந்தவன்
பட்டும் பறிபோய் பழையதும் இழந்து
பரதேசிகளாய் நிற்க்கிறோம் பாரதத்தில்

வாருங்கள் வாழ்த்துவோம்

2006-11-30T12:29:00.000+05:30

இன்று மணநாள் காணூம் எங்கள் நேசங்களை வாருங்கள் வாழ்த்துவோம்

வாழ்த்து சொல்ல இங்கே சொடுக்கவும்

எங்கும் நிறைந்த
செங்கதிர் பேரொளி
சிங்கத் தமிழ்ச்செல்வன் ஈஸ்வரமூர்த்தி
தங்கச்சுடரொளி
பொங்கும் முழுமதி
சங்க தமிழ்ச் செல்வி திலகவதி

அமிழ்தென இனிக்கும்
அகமது மகிழும் இல்வாழ்வில்
இணையும் இன்நாள்
இப் புவிக்கோர் பொன்நாள்
இன்ப மலர் பூக்கும் நன்நாள்

மழை தரு வானும் - செந்நெல்
மணி தரு வயலும்
அலையுறு கடலும் - பொன்னெழில்
ஒளி தரு கதிரும்
ஓங்கிய மலையும் - என்றும்
ஓயாத வளியும்
நிலையென நாளும்
நிலைத்தது போல

குறள் மறை கூறும்
குன்றா வாழ்வும்
குறையா வளமும்
மறையா கல்வியும்
மழலை செல்வமும்
மனம் நிறை இன்பமும்
நிலை பெரு ஆயுளும்
நிறையப் பெற்று

ஆண்டு பல்லாண்டு
அவனிதனில் அன்பு பூண்டு
ஆல் போல் தழைத்து
அருகு போல் வேறூன்றி
பெருகும் புது வாழ்வு
வாழ்க வாழ்கவென
வாழ்த்தும் வானம்பாடிகள்

மு .வையாபுரி , சு.சரவணகுமார் , ஆ.சுதர்சனன் , க.சக்திவேல்
வே.கனகராஜ் , க .வையாபுரி , க.சங்கர் , மு.நடராஜன்
சு.பா
நரிகட்டியூர்

விழிதிறந்தால் ஓளி பிறக்கும்

2006-11-28T18:42:00.000+05:30

விழிதிறந்தால் ஓளி பிறக்கும்

விழிகளை மூடிக்கொண்டு
விடியலை தேடாதே
ஒளியலை உள்வர
விழிஇமைகளை வெளித்திற

சாம்பல் படிந்துவிட்ட
சோம்பல் முகத்தின்
தூசுகளை தட்டி
துள்ளி எழு

மண்ணுக்குள் புதைந்து போன
நேற்றைய புதையலைத் தேடாதே - உன்
கண்ணுக்கு முன் விரிந்த விளைநிலத்தில்
இன்றைய விதைகளைத் தூவு
நாளை அது நல் விளைச்சல் தரும்

அல்லும் பகலும் அயராது போராடு
உள்ளும் வெளியும் உனை
உழைப்பு கொண்டு உயிர்ப்பி
உயர்வு நிச்சயம்

உன் சேவை தேவையானால்
உனது உழைப்பு உண்மையானால்
உலகம் ஒரு நாள் உனை
உற்று நோக்கும்

பற்றிகொள் பாரோரின்
பார்வை ஒளியை
பார்த்துச் செல்
பழியிலா பாதை வழியே

அனைத்தும் உனைத் தேடிவரும்
அமைதி கொண்டு அனுகு
அன்பு கொண்டு பழகு
இன்பம் என்றும் உனதாய் இனிக்கும்

சு.பா

ஏற்றுக் கொள்.

2006-11-28T12:34:00.000+05:30

நினைத்தது கிடைக்கவில்லையா?
கிடைத்ததை ஏற்றுக்கொள்ளடா
உன்னை மட்டும் கொண்டதல்ல உலகம்
உனைப் போல் உள்ளாரடா பலரும்

இடி தாங்கும் இதயம் இது
இந்த சிறு அடி கூடத் தாங்காதா?
வெடிகளுக்கு அஞ்சா நெஞ்சமிது
வேடிக்கைப் பட்டாசுக்கு அஞ்சிடுமா?

மழை காலத்தில் விதைத்தவன் தான்
விளைச்சலை காண்பானடா
அலை ஓய்ந்ததும் கடல் செல்ல நினைப்பவன்
கரையினிலே கரைவானடா
வாழ்க்கை என்பது போர்களம்- அங்கு
வாள் கை கொண்டு சென்றிடடா
வாழ்க்கை என்பது பேராட்டம் - அதை அதன்
வழியில் சென்று வென்றிடடா

வாழ்க்கை ஓர் இன்ப ரகசியம்
வஞ்சனை இல்லா ஆசையே அதன்
வாசலின் திறவுகோல்
வந்து பார் தெரியும்
வாழ்ந்து பார் புரியும்

வருத்தம் வரும் விரட்டியடி
வளங்களை நீ துரத்திப் பிடி
பொருத்தமில்லா கோபமதை தூக்கி எறி
பொற்காலம் உனதாகும் இது புதிய நெறி

நீ ஒரு சூரியன் இருளுக்கு பயப்படலாமா?
நீ ஒரு தீப் பொறிதீக்குச்சி தேடலாமா?
நீயே பொக்கிஷம் யாசகம் கேட்க்கலாமா?
நீயே மழை துளிதாகத்தில் தவிக்கலாமா?

கரும்பாய் இருந்தால் -உனை
எறும்புகள் கூட அரித்திடும் - நீ
இரும்பாய் இருந்திடு உலைகலன் கூட
உருக்கப் பயந்திடும்

சத்தியம் என்ற சட்டம் கொண்டு
சபைதனில் நீ முழங்கிடு
சகலமும் உன்னை
சரணடையும்

சமத்துவம் எனும்
சாலை வழிதனில் - நீ
சரியாய் நடந்திடு
சமுத்திரம் கூட
சட்டென உன் ஆணைக்கு
அடங்கிடும்

நாளை என்பதால்
நாழிகை காத்திருக்காது
நாட்கள் கழிவதால்
நல்லவை தானாய் நடக்காது

முன்னோக்கி நீ செல்
முயற்சி கை கொள்
முடிவு ஏதாயினும்
முழுமனதோடு ஏற்றுக் கொள்.

எசமானர்களின் எச்சரிக்கை

2006-11-27T13:50:00.001+05:30

நீதி செத்த உலகில்
நித்தம் நடக்குது கலகம்
சாதிப் பித்தம் பிடித்த மனிதன்
இரத்தம் குடிக்கும் மிருக்ம்.

சமயமென்ற போர்வையில்
சாமியார்கள் கூட்டம்
மதம் கொண்டு அலைகிறது
மனிதம் கொன்று மகிழ்கிறது.

தெய்வம் உண்டு என்றால் அதற்கு
தெரியாதோ; கடவுளின் கண்கள்
களவு போனதெங்கே யார்
அறிவாறோ?

ஆண்டவனை துணைகழைத்து
அறியாமை மனிதர்களை
அடிமையென விலைபேசுவதே
ஆன்மீக வழியாகிவிட்டது.

துறவிகள் எல்லாம்
துகிலுரிவதால்
திக்கற்று திசையற்று
திகிலுறைந்து மக்கள்

கோலோச்சும் அரசுகள்
கொடிதேரணத்தோடு
கொள்கைகளைப் பறக்கவிட்டு
கொடுமைகளை விதைப்பதென்ன?

அடுக்கடுக்காய்
அடக்கு முறை
ஒடுக்கு முறை - இது
ஆளவந்தார் சட்டமுறை

எதிர் குரல் கொடுக்க
எவருமில்லை
ஏனென்று கேட்ப்பவர்க்கு
உயிருமில்லை

துப்பாக்கி ரவைகளை
துப்பி துப்பி தப்பாக
தூயவர்களை கொன்று
துடிக்கவிட்டு இரசிக்கின்றார்

ஆணவத்தின் ஆட்சியிலே
அப்பாவி மனிதர்கள்
தப்பிக்க வழியில்லையா?
தடுப்பதற்க்கு ஆளில்லையா?

சப்பாணி நடைபோட்டு
சாட்சிகளைப் பழிபோடு
தப்பான தீர்ப்புச் சொல்லத்தான் இங்கு
சட்டம் கருப்புச் சட்டை போட்டுக் காத்திருக்கிறது

சனநாயக நாட்டில்
மனு நீதி வேண்டிய
சனங்களுக்கு எல்லாம்
பணநீதியே பரிசளிக்கப்படுகிறது

அநீதிகளுக்கெல்லாம்
அளவுக்குத் தக்கபடி
அன்பளிப்பும் வெகுமதியும்
அறிவிக்கப் படுகிறது

பார்வை குறையுள்ள
பாதிக் குருடர்கள்
பதவி நாற்காலிகளில்
பாவமாய் நாற்காலிகளும் நாங்களும்

பல்லக்குத் தூக்கிகளாகிவிட்ட
பத்திரிக்கைகளால்
பக்கங்களை மட்டுமே
பத்திகளால் நிரப்பமுடிகிறது

எழுதுகோல் புரட்சிகள்
எல்லாம் ஏட்டுக்குள் மட்டுமே
எதுகை மோனை வார்த்தை விளையாட்டுகள்
எதற்குமே உதவுவதில்லை

வெற்றி முரசு கொட்டி
வெண்சமர கவரி வீசி
வேள்ப்படை வாள்ப்படை கொண்ட - முடி
வேந்தரைப் போல் மக்களை மதியாது

கடமை மறந்து கண்ணியமிலந்து
கை கொட்டி சிரித்து
களிப்புற்றிருக்கும்
கபட நடக அரசியல்வாதிகளே

வெற்று விளம்பரங்களுக்காக
சற்றும் சாத்தியமில்லாத
இற்றுப் போகும் திட்டங்களை இயற்றி
உற்றுநோக்குகின்ற மக்களை ஊனமாக்காதீர்

உலகம் விழிப்புற்று
உள்ளம் தெளிவு பெற்று
உண்மை நிலையுணர்ந்து -ஒரு நாள்
உரிமைப் போர் வெடிக்கும்

எரிமலையின் சீற்றத்தோடு
எல்லை மீறி வெடித்தெழும்
எம் மக்கள் சக்தியின் முன் - உன்
ஏமாற்று வேசங்கள் எரிந்து சாம்பலாகும்

அச்சமாய் இருக்கிறதா?
எச்சிலை குப்பைகளே -உங்கள்
எதேச்சிகார போக்குக்கு எதிரான எங்கள்
எச்சரிக்கைக் குரல் இது

மக்களை மதித்தால்
மணிமகுடம் உங்கள் தலையில்
மறந்தால் மண்ணின் மடியில் உம் தலை.

பாலைவனம் உண்டானது ஏன்?

2006-11-15T12:26:00.000+05:30

பாலைவனம் உண்டானது ஏன்?
முதன் முதலில் கடவுள் உலகத்தைப் படைத்த பொழுது உலகம் பசுமையாகவும் கனி மரங்களும் நிறைந்து மிக அழகாக இருந்தது.பாலைவனமே இல்லை.
அதன் பின் கடவுள் இந்த உலகத்தை பார்த்துக் கொள்ள மனிதனைப் படைத்தார்.மனிதனைப் பார்த்து அவர் “நீ ஒவ்வொரு முறை பாவம் செய்யும் போதும் வானத்தில் இருந்து சிறிதளவு மணல் பூமியில் கொட்டும். கவனமாக நடந்து கொள்” என்று கூறி மறைந்தார்.
“இவ்வளவு பரந்த பூமியில் சிறிதளவு மணல் விழுவதல் என்ன கெடுதல் நிகழ்ந்து விடப் போகிறது ? என் விருப்பம் போல் வாழ்வதில் எந்தத் தவறும் இல்லை” என்று நினைத்தான் மனிதன்.

தன் விருப்பம் போல பாவங்கள் செய்யத் தொடங்கினான் அவன். ஒவ்வொரு பாவத்திற்கும் சிறிது மணல் பூமியில் விழுந்தது. தொடர்ந்து பாவங்கள் செய்து வந்தான் . அதனால் மணல் விழுந்து விழுந்து ஏராளமான பாலைவனங்கள் பூமியில் தோன்றின.

கலா ப்செட் காலண்டர்ஸ் சிவகாசி -626 189 வெளியிட்ட நன்னெறிக் கதைகள் நூலில் இருந்து.
சு.பா

நினைப்பதெல்லாம்

2006-11-14T19:16:00.000+05:30

நெஞ்சுக்குழி ஓரத்திலே
பஞ்சுச் சுவர் பக்கத்திலே
நெருப்பு துண்டொன்று - என் விருப்பு
வெறுப்பின்றி வந்து விழுந்ததடி

நிலைக்குமென நான்
நினைத்திருந்த வாழ்வு - நிமிடத்தில்
நிலைகுழைந்து
நினைவுக்கு எட்டாது போனதடி

மனக்கோட்டை கட்டிவைத்தேன்
மங்கை உனைக் கைபிடிக்க - அது
மழை வெள்ளத்தில் கரைந்த
மண்கோட்டையாய் இடிந்ததடி

நொந்த நெஞ்சு வெந்ததடி
எந்தன் மனம் பிஞ்சதடி
சொந்தமொன நினைத்த கிளி
சொல்லாமல் போனதடி

நெருப்பில் வெந்த இதயமதை
பொறுப்பின்றி விட்டுவிட்டால்
துருப்பிடித்த இரும்பாக புரையேடி
அறுத்துவிடும் உயிரினையே

புண்பட்ட இதயத்தின் தசைகளுக்கு
புத்துயிர் அளித்திடவே
பண்ணாலே மருந்திட்டேன்
பண்பட்ட நெஞ்சமது மேலும் பக்குவப்பட்டதடி

யார் கண்பட்டுப் போனதோ ? நீ
என் கைவிட்டுப் போனாயடி
தேரேரி உனையழைத்து
ஊர்கோலம் போக நினைத்திருந்தேன்

திருவோடுதனைக் கொடுத்து
தெருவினிலே எனை அலையவிட்டு
ஒருவருக்கும் தெரியாமல்
உருமாறிப் போனாயடி

குத்து விளக்கென நினைத்து - உனை
கும்பிட வந்தேனடி
குத்திக் கிழித்தென்னை
குருதியில் சாய்த்து விட்டாய்

செத்து மடிந்து விட நான்
வித்தில்லா செடியுமல்ல
உதிர்ந்து சருகாக நான்
ஊமத்தம் பூவுமல்ல

வேதனனக் குமுறலடி - இது என்
சோதனைக் காலமடி - நான் பிறருக்கு
போதனை செய்திருந்தேன்_ நீ எனக்கே
போதித்துப் போனாயடி

விளையாட்டுப் பிள்ளை என்னை
வலைபோட்டுப் பிடித்து
வாழ்கைச் சிறைக்குள் தள்ள
தலையாட்ட வைத்தாளடி என் அன்னை

தலையாட்டிப் பொம்மையாய்
தலை நீட்ட துணிந்த என்னை
எடைபார்த்து பணமில்லை என்று
தடைபோட்டுப் போனாளடி உன் அன்னை.

வொண்ணை திரண்டதென
உன்னைப் பார்த்த வேளையிதனில்
என்னை மறந்து மாலை சூட கனவு கண்டேன்
உன்னை தாலி கட்டும் முன்னே தாழி உடைந்தடி

தோழியாய் நீ வருவாய்
தோள் கொடுத்து எனை தூக்கிடுவாய் - உன்
வேலியாய் நானிருப்பேன் என நினைத்திருந்தேன்
காலியானதடி என் கணக்கு

பொறுக்கி எடுக்கும் போட்டிதனில் -என்னை
பொருத்தமில்லாதவன் என ஒதுக்கிவிட்டாய்
அர்த்தமற்ற உம் செயல்லால்
வருத்தமுற்று சொல்லுகிறேன்

பொருளில்லார்க்கு இல்லை இவ்வுலகம் என
பொருளுடை குறள் தந்த
பொன்னுரையை உனை
பொண்பார்க்க வந்ததால் உணர்ந்தேன்

குறள் அறிவு பெறவாவது
உறு துணையானதே - உன் அழைப்பு - இச்
சிறு உதவி கூட பெரிதாமே எனக்கு
பெருஞ்செல்வத்துடனே நீ வாழ்க பல்லாண்டு!

வாழ்வும் வசந்தமும்

2006-11-14T18:51:00.000+05:30

வாழ்வும் வசந்தமும்
முதல் பார்வையிலே
முத்திரை பதித்தவளே
இதழோர குறுநகையில்
என் இதயம் கிழித்தவளே

பளிங்கு சிலையோ
பருவத்தின் எழிலோ
பல நாள் தவத்தின்
பயனாய் உனை கண்டேன்

கற்கண்டோ
கரும்புச் சாறோ
கனிச் சுவையோ
கன்னி உன் அழகு

குயிலின் கீதமோ
குழலின் நாதமோ
குறளின் வேதமோ
குமரி உன் பேச்சு
குடகு மலையின்
குறுத்திலை தொட்டு
குதித்து வரும்
குளிர் அருவி உன் நடை

பட்டு துகிலோ
பனியின் குளிரோ
பவுர்ணமி நிலவோ
பாவை உன் முகம்
பழ ரச நதி நீ
பாய்ந்திட காத்திருக்கும்
பாலை நிலத்துபயிர் நான்

உணர்வுகள் எங்கும்
உன் நினைவுகளே
கனவலை பொங்கும்
கடலாய் என் இரவுகளே
விடியலின் உதயமாய்
விண்வெளிப் பேரொளியாய்
வெண்நிலவு முகம் தாங்கி வரும்
பொன்னுலக தேவதை நீ
மண்ணாய் கிடந்த என் நிலத்தில்
மணிகளை விளைவித்தாய்
மலடாய் கிட்ந்த என் வயலினில்
மலர்களைப் பூக்கவைத்தாய்
மூலம் தந்தவர் என் தந்தை
முகம் தந்தவர் என் தாய்
மூளை தந்தவர் என் குரு -நீயோ எனக்கோர்
முகவரி தந்து நின்றாய்
என்ன தவம் செய்தேனோ
எழிலரசி நீ என் துணைவர
எண்திசையும் உன் புகழ் பரப்புவதே
என்றும் என் பணி
நீயே என் கதிநீயே
என் மதிநீயே என் நிம்மதி
உன்நினைவே எனக்கு வாழ்வும் வசந்தமும்

அவன் என்றவன்

2006-11-14T12:36:00.000+05:30

அவனொரு காரையில்லா காட்டாறு
வேடை தனில் ஓய்திருப்பான்
வெள்ளம் வரும் போது பாய்ந்திருப்பான்

அவன் உள்ளம் ஒரு கரும்பாறை
அதன் உள்ளே உறைந்திருக்கும்
கருணை என்னும் சிறு தேரை

கொடுப்பதிலே அவன் மழை மேகம்
கொடுமை கண்டால் எரிமலையாய் அவன் தேகம்
கொதித்தெழும் கடலலையாய் அவன் வேகம்

சூரியப் பிழம்பாய் சுடும் அவன் விழிகள்
சூறாவளியாய் சுழலும் அவன் மூச்சு
சுடு தனல் கக்கும் அவன் பேச்சு

பெயருக்காக அவன் வாழ்ந்ததில்லை
ஊருக்காகவே அவன் வாழ்வு நிலை
யாருக்காகவும் அவன் வளைவதில்லை

நேர் வழி ஒன்றே அவன் பாதை - அதில்
ஏர் முனை போன்றே அவன் பணி- பெரும்
போர் களம் தானே அவன் பயணம்

நாளும் உழைப்பது அவன் உடல்
நாடு என்பது அவன் உயிர்
நல்லவை செய்வதே அவன் தொழில்

விண்ணொளியாய் அவன் முகம்
விடியலின் கதிராய் அவன் படை
வெற்றி முகடு நோக்கியே அவன் நடை

வீரம் ஒலித்திடும் அவன் முழாக்கம்
வீண் தளை ஒழித்திடும் அவன் இயக்கம்
விடுதலை அளித்திடும் அவன் முயற்சி

பழமைகள் போற்றிடும் அவன் பண்பு
புதிய பூக்கள் பூக்கும் அவன் உள்ளம்
புதுமைகள் புனையும் அவன் உலகம்

தாய் வாழ்த்து

2006-11-13T14:32:00.000+05:30

அனைத்திற்கும் மூத்தவளே
ஆண்டு பல கோடி பார்த்தவளே
இளமை இன்னும் குறையாதிருப்பவளே
ஈறு காண இயலா தோற்றம் உடையவளே
உலகம் உள்ளவரை நிலைப்பவளே
ஊர் முழுதும் பேசும் உயர் சிறப்புடையவளே
எண்ணிலா வளமை புதுமை கொண்டவளே
ஏற்றம் பல ஏற்று வளர்பவளே
ஐந்திணை மாந்தர்க்கும் இலக்கணம் அமைத்தவளே
ஒழிந்தழிந்து செத்த மொழிகளிடை
ஓங்கி தழைத்துயர்ந்தவளே
ஓளவை மூதாட்டி மடி தவழ்ந்தவளே
இதெலாம் உன் உயர் சிறப்பென
கண்டுனை போற்றுகிறேன்
காலம் பல கடந்து என் தமிழ்
சந்ததி நாளும் வாழ்ந்து வளர்ந்து
சாதனை படைத்திட அருள்வாய் தாயே
சு.பா

எழுச்சி தீபம் எற்றுவோம்

2006-11-13T14:18:00.000+05:30

எழுச்சி தீபம் எற்றுவோம்
ஆனந்த சுதந்திரம் அடைந்தே
ஆகிவிட்டன ண்டுகள் ஐம்பதுக்கு மேலே
ஆயினும் இன்னும் எம் மக்கள்
அன்றாடங்காய்ச்சிகளாய் வறுமை கோட்டுக்கு கீழே

அணி அணியாய் அரசியல் கட்சிகள்
அனைதுக்கும் அரசாள அடங்காத சைகள்
அரியாசனம் ஏறிடவே ஏதும்
அறியாத அப்பாவி மக்களை ஏய்திடுவர்

ஆளுக்கு ஒரு கொள்கை கொள்வர்
அச்சமின்றியே அரசு சொத்தை அள்ளிக்கொள்வர்
அவர் ளவில்லை எனில்
ஆட்சிமுறை தவறு என்பர்

அடுத்தவர் செய்ததை தடுத்திடுவர்
அதை மறைக்க அடிக்கடி அடிக்கல் நாட்டிடுவர்
அத்தனையும் தான் என்று அகந்தை கொள்வர்
அரசியல் மாண்புதனை மண்ணுக்குள் புதைத்திடுவர்

அனல் பறக்க மூழங்கிடுவர் மேடை தனில்
ஆருயிர் நண்பனின் கூட்டாட்சி சிறப்பினை
அடுத்த கணமே யிரம் அணி தாவிடுவர்
அதன் பின்னே அரிசந்தர மூர்த்தியாகிடுவர்

அத்தனையும் உண்மை என்றெண்ணி
ஆண்டு பலவாக ஏமாந்து
அடுத்த வேளை சோற்றுக்கே வழியின்றி
அன்னை பூமியின் மக்கள் எல்லாம் அனாதைகளாய்

அனாதை தேசத்து அனாதைகளே
அறியாமைக்குள் அமுங்கி கிடந்தது போதும்
ஆர்த்தெழுங்கள் அநீதீகளுக்கெல்லாம்
அந்தீமை காலச் சடங்கு செய்திடுவோம்

அரசை நமதாக்கி முரசு கொட்ட
அனைவரும் வாக்குச் சாவடிக்கு
அக்னி சிறகு விரித்து புறப்பட்டு
அணையாத எழுச்சி தீபம் எற்றுவோம்

சு.பா

நொய்யல் நதி

2006-11-09T15:52:00.000+05:30

வணக்கம் நல்வரவு
நொய்யல் நதி

நொய்யல் நதி வெள்ளியங்கிரி மலையில் தோன்றி கவிரியில் கலக்கும் ஒரு துணையாறு. இவ்வாறு சங்க காலத்தில் “காஞ்சிநதி” என வழஙகப்பட்டு வந்தது. கோவை மாவட்டத்தை வளமாக்கி நொய்யல் என்னுமிடத்தில் கவிரியில் கலக்கிறது. கழிமுகப்பகுதியில் செல்லாண்டி அம்மன் கோவில் உள்ளாது. இந்நதி தற்பொழுது திருப்பூர் சாயபட்டறை கழிவுகளினால் மாசு பட்டுகிடக்கிறது